Шигърият
Рифат Җамал: «Нигә соң көзләргә кергәндә...»
(ШИГЫРЬ)
Нигә соң көзләргә кергәндә
Очынам, шашынам сөенәм?!
Нишләвем инде бу, аңламыйм.
Әллә соң сөям дә, сөеләм.
Тик менә кышларын чыгалмас
Көздәге чәчәктә алмагач.
Мин дә соң корырмын микәнни,
Кышларга көчләрем калмагач?!
Юк әле, мин көчле, мин үлмәм.
Килсә дә, Үлемгә баш имәм.
Чәчәктә булсам да көзләрен,
Алмагач түгел лә, мин – имән.
Следите за самым важным и интересным в Telegram-каналеТатмедиа
Нет комментариев