Шигърият
Рифә Рахман: «Торам яңгыр асларында»
(ШИГЫРЬ)
Торам яңгыр асларында. Башым кыңгыр.
Күңелемә килсә икән хет пүчтәк җыр.
Яңгырларның тавышында әллә бүген
Ритм, рифма бөтенләй үк юкмы, димен.
Көй качканмы бар нәрсәдән табигатьтә?
Әллә үзем саңгырауланган халәттә?
Торам яңгыр асларында, башым кыңгыр.
Салкын уза күкрәгемә шыбыр-шыбыр.
Җаннан көйне качырган, бәлки, шушыдыр?
Следите за самым важным и интересным в Telegram-каналеТатмедиа
Нет комментариев