Мәдәни җомга

Казан шәһәре

18+
Шигърият

Равил Рахмани: «Хатын-кыз хакы»

(ШИГЫРЬ)

Килгән язмыш – бергә, –

Адәм туган көннән...

Бер туфрактан, бер сөяктән – гомерегез;

Уртак ләззәт җимешләре тәмен татып,

Оҗмахлардан бер җан булып сөрелдегез.

Ничә мең ел Җирдә – яшәү таганында...

Иңгә иңне терәп тормыш кичердегез;

Җавап тотып киләчәге каршысында...

Хак алдында терәк булды

берегез өчен берегез!

Каршы торыр тиң көч бармы гүзәл затка?

Дөнья гамен гыйшкый утта яндырды ул;

Илһам биреп... үлмәс шигырь яздырды ул,

Кодрәт биреп... сүнмәс шәһәр салдырды ул!

Дәүләтләрне дер селкеткән яу ирләрен,

Патшаларны тоткын – әсир калдырды ул.

Ул-кызларын гел яктыга илтте сөю!

Ана булды гүзәл затлар –

бүләк итте халкын,

патша,

пәйгамбәрен...

Оҗмахкача нур түшәлде аяк асларына,

Мәгънәле итте Хак каршында

яшәү ямен!

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев