Шигърият
Мөҗәһит: «Китәсе килми»
(ШИГЫРЬ)
Китәселәр килми әле,
Чөнки яшәп туелмады.
Бу дөньяның рәхәтлеге
Минутлык та тоелмады.
Китәселәр ничек килсен? –
Оныкларны күрәсем бар.
Җәен чәчәкле болында
Такыялар үрәсем бар.
Китәргә иртәрәк әле,
Күпме җирләр йөрисем бар.
Башларымнан үткәннәрне
Яшь буынга сөйлисем бар.
Китәрләргә кая әле...
Тәмамлыйсы эшләрем бар.
Бергәләшеп гомер сөргән
Чордашлар, дус-ишләрем бар.
Следите за самым важным и интересным в Telegram-каналеТатмедиа
Нет комментариев