(ШИГЫРЬ)
Син кайтыр диңгезләр илендә
Мин йөрим онытып сагышны.
Җир тулы – кешеләр тавышы.
Җир тулы – кешеләр каргышы.
Бу кадәр нәфрәтне күтәргән
Токымнар барын мин хәтерлим.
Һәм җанны... икенче тормышка...
Икенче язмышка әзерлим.
Син минем – иң татлы әрнүем.
Син минем – иң авыр бәхетем.
Белми дә калырсың шикелле...
Белми дә – никадәр кадерең.
Мин кайтыр диңгезләр илендә
Син оныт мәңгегә каргышны!
Һәм ишет: сабыйлар көлешә...
Сабыйлар – белмәгән сагышны.
...Бу Җирнең – вакытлы ялгышы..
Нет комментариев