Шигърият
Лилия Сәгыйдуллина: «Чагыласы булсаң, ни сакланма...»
(ШИГЫРЬ)
Чагыласы булсаң, ни сакланма,
Чагыласың икән...
Чага еланнар да...
Хәтта кычытканнар да...
Абынасы булсаң, ни сакланма,
Абынасың икән...
Такыр яланда да...
Үлән-саламга да...
Алган яралар да, ни тырышма,
Яңалардан
Ярлыкамый икән:
Кат-кат чагыласың,
Кат-кат абынасың...
Яраларны ялый-ямый,
Яшәешкә ныграк ягыласың...
Следите за самым важным и интересным в Telegram-каналеТатмедиа
Нет комментариев