Шигърият
Лилия Садриева: «Бер-беребез өчен»
(ШИГЫРЬ)
Башка беркем аңлый алмас мине
Син аңлаган төсле.
Керсез күзләреңнән күрәм
Мәхәббәтнең төсен.
Яраталмас иде, бәлки, беркем
Синең төсле итеп.
Татлы сүзең, назлауларың белән,
Гомер бара үтеп.
Яши-яши ныграк тоябыз ич
Мәхәббәтнең көчен.
Әллә чынлап яратылганбызмы
Бер-беребез өчен?
Следите за самым важным и интересным в Telegram-каналеТатмедиа
Нет комментариев