Шигърият
Лилия Фәттахова: «Йөрәк типкән чакта йөреп була»
(ШИГЫРЬ)
Йөрәк типкән чакта йөреп була
Бу дөньяның төрле юлларыннан.
Исән чакта сөенергә кирәк
Синең өчен Җирдә юл барына...
Исән чакта сөелергә кирәк
Сөйгәнеңнән. Илдән. Җирдән. Күктән.
Күзләремдә бүген кояш җәйли.
Кояш бүген җан-бәгырьгә үтә...
Үзәгемә үтеп өзгәләми,
Үзәгемнән ул үземә илтә...
Ул да миңа илткән ул юлларны
Эзләгәндер күптән...
Следите за самым важным и интересным в Telegram-каналеТатмедиа
Нет комментариев