Лениза Вәлиева: «Җир әйләнә, адәмнәр дә башка хәзер...»

Җир әйләнә, адәмнәр дә башка хәзер.

Бер сорауга туксан тугыз җавап әзер.

Үзгәрүчән бу тормышта иң кыены:

Җуймый юлың, югалтмаска үз уеңны.

Тайпылмыйча, максатыңа бару кирәк.

Син белгәннән офык чите күпкә киңрәк.

Ит иҗтиһат, табылыр бер тормыш җае.

Төннең дә бит юк кояшы, тик бар ае.

Тауга мендем дип кычкырма, син шуны бел:

Күпме генә эзләсәң дә, хакыйкать бер.

Без беркемнән артык түгел һәм түгел ким.

Син дә патша түгел монда, мин дә хаким.