Шигърият
Илсөяр Иксанова: «Офыкларга шәфәкъ нуры тамган»
(ШИГЫРЬ)
Офыкларга шәфәкъ нуры тамган,
Тәрәзәңдә синең ут микән?
Мин сагынып сиңа килгән идем,
Син аңладың микән, юк микән?..
Эңгерләрен томан сарган көз бу, –
Адаштырмас ләкин бу томан.
Тойгыларым йөрәгемә төйнәп,
Китеп барам синең йортыңнан.
Горурлыгым үземнән дә зур шул, –
Башым имәм сөю үтенеп.
…Тәрәзәңә ут алмаган өчен
Син яшәрсең ләкин үкенеп.
Следите за самым важным и интересным в Telegram-каналеТатмедиа
Нет комментариев