Шигърият
Фирүзә Җамалетдинова: «Әни җөй җөйли»
(ШИГЫРЬ)
Келтер-келтер әни җөй җөйли,
Тегү машинасы ни көйли?
Келтер-келтер бер җөй заманга:
«Тишек-тошык арта һаман да...»
Әнкәемнең уе, һай, асыл:
«Бөтәйтәсе иде дөньясын!»
Язын җөйли, җөйли көзләрен,
Җепкә ялгый өмет сүзләрен:
«Ничек тегим чорның ярасын...»
Алмашка гел бирмәк яңасын.
Кышын кышлый шулай, җәй җәйли,
Келтер-келтер әни җөй җөйли.
Следите за самым важным и интересным в Telegram-каналеТатмедиа
Нет комментариев