Шигърият
Эльмира Шәрифуллина: «Һаман яшь»
(ШИГЫРЬ)
Син һаман яшь – кырык өчтә,
Мин картайдым нәкъ шул кичтә:
Чәчләремә кырау кунды,
Йөрәгемә әрнү тулды,
Йөзем сулды,
Күзләремнең төсе уңды.
Яшь шул әле, син яшь һаман –
Егет, дию хәтта таман.
Минем хәлләр?..
Әйтим – яман:
Тере тәндә тозлы яра,
Яралардан кан-яшь тама,
Ә үзләре гел яңара,
Гел яңара –
Йөзе кара.
...Вөҗүдкенәм дөрләп яна!
Следите за самым важным и интересным в Telegram-каналеТатмедиа
Нет комментариев