Шигърият
Алисә ЗАРИПОВА: «Кыш сафлыгы»
(ШИГЫРЬ)
Оча карлар, күбәләктәй ап-ак карлар,
Дөньядагы бар афәттән алар пакьләр.
Оча, куна, сафлык белән төрә алар,
Бар җиһанны явызлыктан саклар алар.
Могҗизалар көтеп яши Җир-Анабыз,
Кыш бабайлар, Кар кызлары, бармы соң сез?
Пакьлек белән алыштырып борчуларны,
Ап-ак карлар, явыгыз соң, явыгыз сез!
Следите за самым важным и интересным в Telegram-каналеТатмедиа
Нет комментариев