Ел башыннан Казанда 2,3 меңгә якын хуҗасыз эт тотылган
Хайваннарны тоту буенча кайнар линиягә шәһәр халкы 3,6 меңнән артык тапкыр мөрәҗәгать иткән.
Ел башыннан бирле шәһәр Башкарма комитетының Торак-коммуналь хуҗалыгы комитетының кайнар линиясенә караучысыз этләрне тоту буенча халыктан 3623 мөрәҗәгать кергән.
Тотылган этләрне төрле авырулардан вакцинациялиләр, аларга дегельминтизация һәм стерилизация үткәрәләр, ә аннары элеккеге яшәү урынына кайтаралар. Ел башыннан бирле барлыгы 2286 сукбай эт тотылган, дип хәбәр иттеләр Торак-коммуналь хуҗалык комитетында.
Хуҗасыз хайваннар турында ТКХ комитетының кайнар линия телефоны буенча хәбәр итәргә мөмкин: +7(843) 222-04-44. Шулай ук хәбәрләр «Халык контроле» һәм «Ачык Казан» системасы аша кабул ителә.
Следите за самым важным и интересным в Telegram-каналеТатмедиа
Нет комментариев