Былтыр Татарстанда законсыз юл белән җир үзләштерелгән районнар билгеле
Татарстанда коррупциягә каршы тору эшен координацияләү буенча комиссия утырышында Татарстан Президенты Рөстәм Миңнеханов катнаша.
Узган елда Татарстанда законсыз юл белән җир үзләштерү очраклары Арча, Балтач, Буа, Югары Ослан, Биектау, Лаеш, Лениногорск, Питрәч, Балык Бистәсе, Теләче, Чистай районнарында ачыкланган.
Бу хакта Татарстанда коррупциягә каршы тору эшен координацияләү буенча комиссия утырышында күрсәтелгән фильмнан билгеле булды.
Утырышта Татарстан Президенты Рөстәм Миңнеханов катнаша.
2019 ел белән чагыштырганда, мондый төр җинаятьләр кимегән. Җир мөнәсәбәтләре өлкәсендә 2020 елда 68 җинаять теркәлгән, 2019 елда 124 җинаять ачыкланган булган.
2019 елда җир үзләштерү буенча кыңгыр эшләр Буа, Чүпрәле, Алабуга, Лаеш, Лениногорск, Тәтеш районнарында теркәлгән.
Гөлнар Гарифуллина
Следите за самым важным и интересным в Telegram-каналеТатмедиа
Нет комментариев