10 меңгә якын казанлы балалар лагерьларына юлламаның яртысы өчен кешбэк алган

Быел беренче тапкыр 10 меңгә якын Казан ата-анасы үз балалары өчен кешбэк программасы буенча муниципаль шәһәр яны лагерьларына юлламалар сатып алды, дип хәбәр итте бүген Казан Башкарма комитетында узган эшлекле дүшәмбе киңәшмәсендә Балалар һәм яшьләр эшләре комитеты рәисе вазифаларын башкаручы Алинә Шаронова.

Быел җәйге сәламәтләндерү кампаниясенең төп яңалыгы булган балалар кешбэкы программасы 25-нче майда Россия Президенты Владимир Путин кушуы буенча старт алды. Аның шартлары нигезендә, ата-аналарга балалар җәйге лагерьга барган очракта, туристик кешбэк программасы белән охшаш рәвештә, путевка бәясенең бер өлеше кире кайтарыла.

«Программа шәһәр читендәге лагерьларда ял итү өчен сатып алына торган юлламаларның яртысын кире кайтаруны күздә тота, ләкин 20 мең сумнан да артык түгел, – дип искәртте А.Шаронова. – Кешбэк түләүне теркәү вакытыннан алып биш эш көне эчендә автомат рәвештә килә (25-нче майдан соң түләгән «Мир» картасының программада катнашучы оешмаларына)

Моннан тыш, авыр тормыш хәлендә калган балаларга шәһәр яны лагерьларына юлламалар элеккечә бушлай бирелә. Быел 669 бала республика лагерьларында һәм шифаханәләрендә ял итте, сәламәтлекләрен яхшыртты, дип хәбәр итте Балалар һәм яшьләр эшләре комитеты рәисе вазифаларын башкаручы. Шуларның 312-се – сәламәтләндерү лагерьларында, 290 бала – медицина күрсәткечләре буенча санатор-курорт учреждениеләрендә.

Җәй дәвамында лагерьларда барлыгы 30 меңгә якын Казан баласы ял иткән.

kzn.ru