Татарстан Республикасы Дәүләт сынлы сәнгать музееның Заманча сәнгать галереясе ачыла

Бина 1979 елда ТАССР Рәссамнар берлегенең күргәзмә залы буларак төзелә. Бу проект өчен архитектор Г. А. Бакулин 1981 елда Габдулла Тукай исемендәге ТР Дәүләт премиясе лауреаты исеменә лаек була. Бина каршындагы скульптура авторы - Р. П. Харитонов. Күргәзмә залы 1980 елда  “Киң Идел”  зона күргәзмәсе белән ачылган булган. 2009 елда бина Татарстан Республикасы Дәүләт сынлы сәнгать музеена тапшырылган, ә  2017-2018 елларда биредә  яңарту эшләре алып барыла.

Татарстан Республикасы Дәүләт сынлы сәнгать музееның Заманча сәнгать галереясе үзенең яңадан эшли башлавын  “Россия. Реализм. XXI  гасыр», Андрей Тарковский һәм Игорь Вулох   иҗатларына багышланган  күргәзмәләр белән билгеләп үтә.

Галереядә шулай ук «Вакыт буенча сәяхәт итү» проекты да  гамәлгә куела.

Бүгенге көндә Заманча сәнгать галереясе  - заманча сәнгать юнәлешендә эшләүче Казандагы  иң эре күргәзмә мәйданчыгы. Тамашачыларга өч катлы, алты күргәзмә урыны, лекторий, балалар арт-мәйданчыгы, мультимедиа мөмкинлекләре булган – мең ярым квадрат метрдан артык мәйдан тәкъдим ителә.

Чыганак: Татарстан Республикасы Мәдәният министрлыгы матбугат үзәге

Фото: Официальная страница Государственного музея изобразительных искусств Республики Татарстан.