АЙГА КЫРЫН КАРАМА

Тыныч, иҗади, уңышлы көн. Һәрнәрсәдә гармониягә омтылу, җан тынычлыгын саклау мөһим. Дулкынландыргыч очрашулар булырга мөмкин. Килешүләр төзү уңай нәтиҗә бирә. Кан авырулары кискенләшә. Беркемгә дә үпкә сакларга ярамый.

Организмнан артык тозларны чыгару өчен, 250 шәр г петрушка тамыры һәм төшләре алынган лимонны, 150 г петрушка яфрагын иттарткычтан чыгаралар, 250 г бал кушалар. Суыткычта саклыйлар. Иртән ашарга 1 сәгать кала, кичен ашаганнан соң 1 сәгать үткәч 1 әр чәй кашыгы кабалар. Шундый 3-4 дәва курсы үтү зарур.

Мәхәббәт, иҗат, яшәү шатлыгы көне. Бернәрсә дә планлаштырмыйча, теләгән нәрсәләрне генә эшләү яхшы. Нерв һәм эндокрин системаларга, күзләргә игътибарлырак булу сорала. Үпкәләшкән кешеләр белән дуслашыр вакыт. Яшелчәләрне күбрәк ашау файдалы.

Картаеп, колак начар ишетә башласа, 1 өлеш сарымсак согын 3 өлеш зәйтүн маена кушалар, яхшылап болгаталар, 15-20 көн буе һәр колакка 1-2 шәр тамчы тамызалар. 1 атна ял иткәч, дәва курсын кабатлыйлар.

Алдашу, ялганга бай көн. Бизләр системасы, бил, бөерләр, тире, сукыр эчәк зәгыйфь. Мунчага бару, массаж ясату, ач тору, төрле дәвалану чараларын куллану файдалы. Кәеф төшәргә мөмкин.

Йөрәктә ишемия авыруы булганда, вак угычтан уылган ярты килограмм сарымсакны 700 г балга кушып болгаталар, караңгы урында 1 атна төнәтәләр. 1-2 ай буе, көненә 3 тапкыр, ашарга 40 минут кала 1 әр аш кашыгы кабалар.

Авыр энергетикалы көн. Күп аралашмаска, күз тиюдән, чит тәэсирләрдән сакланырга кирәк. Бурычка алырга да, бирергә дә ярамый. Нерв системасы, эчәклек, арканың өске өлеше зәгыйфь.

Үткән көнгә бирелгән киңәшләр саклана. Ай Кәҗәмөгездә чакта матди хәлне яхшырту мөмкинлекләре арта. Аралашуны чикләмәскә кирәк. Һәрнәрсәдә тәртип саклау мөһим.

300 әр г атланмай һәм бал, 200 г шикәр, 100 г какао мае яки порошогын кушып болгаталар да, кайнар сулы савыт эченә куеп, җылыталар, тик кайнатып чыгарырга кирәкми. Бертөрле массага әйләнгәч, уттан алалар. 1 аш кашыгы кушылманы 1 стакан кайнар сөттә эретеп, көненә 3-4 тапкыр һәм йоклар алдыннан эчәләр. Яисә 10 суганны шакмаклап турыйлар, 1 баш сарымсакны издерәләр дә, ярты литр сөткә салып, йомшарганчы пешерәләр, бөтнек һәм юкә балы өстиләр. 1 сәгать төнәткәч, сөзәләр, көненә берничә тапкыр 1 әр аш кашыгы эчәләр. 250 г бал һәм 1 чәй кашыгы вакланган имбир тамырын калын төпле табада куерганчы пешерәләр, 15 кә бүлеп, кәнфит кебек катыралар. Көненә 2-3 кәнфит суыралар. 3-5 көннән соң ютәл үтә.

Үз-үзеңне танып-белү, уйлану, буйсыну, кичерү көне. Өйдә булырга тырышыр­га, гаиләгә игътибарны арттырырга кирәк. Тәкәбберлек күрсәтергә ярамый. Яңа белем җиңел үзләштерелә. Нерв системасы, сизү әгъзалары, кан тамыр­лары, ашказаны зәгыйфь. Ит ашауны чикләү хәерле. Канны чистарту уңай нәтиҗә бирә.

Башта билгә, кызарганчы, 1 чәй кашыгы скипидар ышкыйлар. Аннары чүпрәгә изелгән арыш камырын, марляга төреп, билгә куялар, пергамент һәм җылы шарф яки шәл белән урыйлар. 30 минут, каты пешерсә, азрак тоталар. Көнаралаш кабатлыйлар. Дәва курсы - 3-5 компресс.

Сәяхәткә чыгу, теләсә нинди эш башлау өчен айның иң кулай көне. Кеше хәлиткеч карарлар кабул итәргә сәләтле. Физик эш белән шөгыльләнү, җәяү йөрү, чыныгу файдалы. Саф һавада күбрәк булу, табигать белән хозурлану кәефне күтәрә. Умырткалыкның аскы өлеше, әвернә сөяк, аяклар зәгыйфь.

200 г атланмай, 2 йомырка, 1 әфлисун, 1 стакан шикәр, 1 стакан он кирәк. Йомшартылган атланмайны йомырка сарылары һәм шикәр белән яхшылап туглыйлар, әфлисунның согын сыгып өстиләр, он кушып, камыр басалар. Кабартмалар ясап, 220 градуслы газ мичендә 15-20 минут пешерәләр. Суынгач, шикәр оны сибәләр.