Айга кырын карама

Үзгәрү, сафлык, катгыйлык көне. Һәр эштә дә сак һәм игътибарлы булу сорала. Башланган эшне ахырына җиткерергә кирәк. Бу көннең энергетик куәте бик зур, кешедә искиткеч табигый көч уянырга мөмкин. Арып-талганчы эшләргә ярамый. Сизү әгъзалары, йөрәк, умырткалык, үпкә зәгыйфь.

Пиелонефрит булганда, яртышар чәй кашыгы кычыткан яфрагы һәм тыр­накгөл чәчәген 1 стакан кайнар суга салып, 2 сәгать төнәтәләр, көненә 3-4 тапкыр, ашаганнан соң 1 сәгать үткәч, яртышар стакан эчәләр. Кандагы шикәр микъдарын киметү өчен, кычыткан һәм кара җиләк яфракларын, сары мәтрүшкә үләнен тигез микъдарда кушып, шуның 1 аш кашыгын 1,5 стакан суда 5 минут пешерәләр, кимендә 30 минут төнәтәләр, сөзәләр, ай буена көненә 3-4 тапкыр, ашар алдыннан, яртышар стакан эчәләр. Яисә 2 аш кашыгы вакланган кычыткан яфрагын 1 стакан әчегән сөткә салып эчәләр. Гипертония интектергәндә, 1 аш кашыгы вакланган кычыткан яфрагын 1 стакан кайнар суга салып, 30 минут төнәтәләр. Көненә 4 тапкыр, ашарга ярты сәгать кала, чирегешәр стакан эчәләр. Дәва курсы - 1 атна, аннары 5 көн ял итеп, кабат дәваланырга була.

Шәфкать, сабырлык, мәхәббәт энергиясенә бай көн. Сәламәтлеккә игътибарлы булырга, йөрәккә киеренкелек китермәскә кирәк. Ашкайнату әгъзалары, кан әйләнеше системасы зәгыйфь. Дарулар яхшы үзләштерелә.

Ревматизм интектергәндә, кычыткан яфракларын сыгып, шул сокка әз генә бал кушып, көненә 3 тапкыр, яртышар стакан эчәләр; кычыткан белән авырткан җирне чабарга да була. Туберкулездан интеккәндә, 1 әр аш кашыгы кычыткан яфрагын һәм тамырын ярты литр суда 5 минут пешерәләр, 30 минут төнәтәләр, сөзәләр, көненә 3-4 тапкыр, ашарга 30 минут кала, чирегешәр стакан эчәләр. Күз начар күрә башласа, көн саен 30 ар грамм яшь кычыткан ашарга кирәк. Яраларны чистарту яки салкын компресс ясау өчен, ярты литрлы банкага кычыткан яфрагын җыеп тутыралар, өстенә 70 процентлы спирт салып, 2 атна төнәткәннән соң кулланалар. Җәрәхәттән кан акканда, аңа кайнар суга салып алынган кычыткан яфрагы ябу булыша.

Үзгәрешләр көне. Үткәннәр турында уйланып, нәтиҗәләр ясау яхшы. Ач торырга ярамый - теләсә нәрсә ашарга була. Аралашу, белем алу өчен уңай вакыт. Йөрәк, тире, кан тамырлары зәгыйфь. Чикләвек ашау файдалы.

Иң әһәмиятле эшкә тотыну өчен уңайлы көн. Бүген башланган эш бик яхшы тәмамланачак. Теләсә нинди вак-төяккә игътибарлы булу сорала. Эчәклек һәм тирене чистарту уңай нәтиҗә бирә. Ашказаны асты бизе зәгыйфь. Балан, фасоль, борчак, арпа ашау файдалы.

Авыр энергетикалы көн. Бүген кеше үз нәфесенең теләк һәм коткыларына бигрәк тә бирешүчән.Тыелгысыз хисләр күңелсез вакыйгаларга китерергә мөмкин. Тәэсирләнүчән кешеләргә аеруча кыен. Алма, кәбестә, сарымсак ашарга ярамый, балан, мүк җиләге, кычыткан ашау файдалы.

1 литр суга 200 тузганак чәчәге салып, туралган 1 лимон өстиләр дә, 6 сәгать төнәткәч, 2-3 кат марля аша сөзеп, яхшылап сыгалар. 1 кг шикәр өстәп, 1,5 сәгать пешерәләр. Тәме балны хәтерләтсә дә, мондый кайнатма аңардан сихәтлерәк санала һәм хәтта бавыр циррозын да дәвалый.

Тыныч, иҗади, уңышлы көн. Һәрнәрсәдә гармониягә омтылу, җан тынычлыгын саклау мөһим. Дулкынландыргыч очрашулар булырга мөмкин. Килешүләр төзү уңай нәтиҗә бирә. Кан авырулары кискенләшә. Беркемгә дә үпкә сакларга ярамый.

Буыннарда утырган тозны чыгару өчен, ике көнгә бер тапкыр 15 данә яшь, яшел төстәге чыршы күркәсен юып, кичтән термостагы 250 г кайнар суга салып калдыралар, иртән ач карынга эчәләр. Дәва курсы - 1 ай. 10-14 көн ял иткәч, кабатлыйлар. Шундый 3 курс үтү файдалы.

Мәхәббәт, иҗат, яшәү шатлыгы көне. Бернәрсә дә планлаштырмыйча, теләгән нәрсәләрне генә эшләү яхшы. Нерв һәм эндокрин системаларга, күзләргә игътибарлырак булу сорала. Үпкәләшкән кешеләр белән дуслашыр вакыт. Яшелчәләрне күбрәк ашау файдалы.

Яңа гына җыелган тузганак чәчәкләрен зур сай тәлинкәгә тезеп, шикәр сибәләр, шулай берничә катлам ясагач, өстенә бераз дарчин сибәләр һәм бер тәүлеккә авыр йөк астына куеп калдыралар. Чәчәк серкәсенә, хлорофиллга, биологик актив матдәләргә бай искиткеч сихәтле дару препараты барлыкка килә. Ул нерв сис­темасын ныгыта, бавыр һәм үт куыгы авыруларын дәвалый.