Мәдәни җомга

Илшат Әхмәров: “Сәхнәгә чыгар өчен Себердә акча эшләргә туры килә” (ВИДЕО)

"TMTV" телеканалында баручы "ҖырлаОКе" тапшыруын күпләр яратып карый. Биредә талантлы яшь җырчылар, артистлар чыгыш ясый. Татарстаннан гына түгел, Башкортстан һәм татарлар яшәгән чит төбәкләрдән дә катнашырга киләләр. Бер тапшыруында Башкортстаннан Илшат Әхмәров чыгыш ясады. Үзенчәлекле тембрлы яшь җырчы үз-үзен тыйнак һәм гади тотты. Аның белән якыннан танышырга теләп, үзен эзләп...

"TMTV" телеканалында баручы "ҖырлаОКе" тапшыруын күпләр яратып карый. Биредә талантлы яшь җырчылар, артистлар чыгыш ясый. Татарстаннан гына түгел, Башкортстан һәм татарлар яшәгән чит төбәкләрдән дә катнашырга киләләр. Бер тапшыруында Башкортстаннан Илшат Әхмәров чыгыш ясады. Үзенчәлекле тембрлы яшь җырчы үз-үзен тыйнак һәм гади тотты. Аның белән якыннан танышырга теләп, үзен эзләп таптык.


- Илшат, ничек сиңа Казан? "ҖырлаОКе" тапшыруыннан соң нинди хисләр белән кайтып киттең?

- Бик матур шәһәр. Әмма кич белән килеп, икенче көнгә кайтып китәргә туры килгәч, бар матурлыгын күреп булмады. Икенче юлы килгәндә күбрәк күрә алырмын дип уйлыйм. Тапшырудан бик канәгать калдым. Әмма үземнән канәгать калмадым. Әллә каушадым, әллә нәрсә булды шунда. Үз-үземә тәнкыйть күзлегеннән карыйм шул. Тагын да әйбәтрәк җырлый алган булыр идем дип саныйм.

- Тумышың белән кайлардан буласың? Гаиләң турында.

- Башкортстанның Миякә районы Шатмантамак авылыннан. Гаиләдә өч бала үстек. Апам Зөлфия, абыем Ренат исемле. Алар инде үз гаиләләре белән яшиләр. Мин - төпчек бала. Күптән түгел әтием Мәхмүт лаеклы ялга чыкты. Гомере буе авыл хуҗалыгында машина йөртүче булып эшләде. Әнием Зөлхиҗә хисапчы иде. Авыл мәдәният йортын җитәкләде. Әле дә эшли. Концертлар, төрле чаралар алып бара. Шигырьләр сөйли. Әнием белән үзебезнең һәм читтәге авылларда концертлар оештырабыз. Бүгенге көндә әти-әнием белән Шатмантамак авылында гомер кичерәбез.

- Кайларда укыдың? Нинди һөнәр үзләштердең?

- Авыл хуҗалыгы техникумында белем алдым. Ул вакытта җырчы булу уемда да юк иде. Техникумнан соң, Уфа аграр институтында мал табибына укыдым. Бу һөнәр белән акча эшләп булмас дип, тавышым өстендә шөгыльләнә башладым. 5-6 ел махсус күнекмәләр ясыйм. Хәзер генә тавышымны кабул итә башладым. Репертуарымда унлап җырым бар.

- Вконтакте челтәрендә исем-фамилияңне җыйгач, рус җырларың да килеп чыкты. Әллә син русча да җырлыйсыңмы?

- Юк, ул минем фамилиядәш кенә (елмая). Гитарада уйнап, бик матур җырлый. Аның үзен күргән юк. Әмма җыр белән күптән шөгыльләнгәнен беләм.

- Бар максатың татар эстрадасына атлап керүме?

- Әйе, беренче адымнарымны ясадым. Алла боерса 25 апрель көнне Уфада зур концертта катнашам. Сәхнәгә чыгу бик күп тырышлык таләп итә. Иң мөһиме - Аллаһы Тәгаләдән бирелгән тавыш. Аннары финанс мәсьәләсе. Җырлар яздыру, клиплар төшерү бик күп чыгымнар сорый. Сәхнәгә чыгар өчен Себердә акча эшләргә туры килә. Бер ай эшлим дә, бер айга әти-әниләр янына кайтам. Аларга йорт-тирәне карарга ярдәм итәм.

- Себернең кайсы шәһәрендә һәм нинди эштә?

- Мегион шәһәрендә. Нефть өлкәсендә хезмәт куям.

- Җырга сәләт кемнән күчкән дип саныйсың?

- Әниемнең әтисе бик матур җырлаган, диләр. Авыл сәхнәсендә мине 10 яшемнән бирле җырлаттылар (елмая). Авыл халкы мине күргән саен: "Элек җырлый торган идең. Хәзер ник җырламыйсың?" - дип сорыйлар иде.

- Спорт белән дә дус икәнсең.

- Әйе. Мәктәп елларында укырга бөтенләй йөрмәдем диярлек (көлә). Чөнки мәктәптән спорт ярышларына җибәрә торганнар иде. "Мәктәпкә укырга йөрмисез", - дип директорыбыз орыша иде. Спортны кечкенәдән яраттым. Көрәш белән шөгыльләндем. Республикада өченче урынны яуладым. Авылда ат чабышларында катнашып, ике суыткыч оттым.

- Өйләнергә уйламыйсыңмы әле?

- Уйлыйм, әлбәттә. Әлегә туры килерлек кыз тапмадым. Бераз кызу канлылык бар миндә. Озакка сузылмый, шундук сүнәм. Бик юмарт үзем. Эштән дә курыкмыйм.

Видеоны әлеге ссылка аша карый аласыз: https://www.youtube.com/watch?v=zYSeWJxr82Y&feature=youtu.be

Эльза ГАЗИЗОВА

Нравится
Поделиться:
Реклама
Комментарии (0)
  • 24 май 2018 - 13:45
    Рашат НИЗАМИ: Халык югалмас, тик…
    Соңгы  елларда, татар язмышына бәйле рәвештә, телебез хәзинәсендә  мөһаҗир, диаспора, тарихи ватан дигән сүзләр нык активлашып китте. Нибары өч сүз, әмма шушы шартлы “өчпочмак”ка татар язмышы сыйган!
    31
    0
    0
  • 24 май 2018 - 14:50
    “МӘДӘНИ ҖОМГА” № 20 (2018) “МӘДӘНИ ҖОМГА” № 20 (2018)
    25
    0
    0
  • 24 май 2018 - 14:30
    Вахит ИМАМОВ: Төркиягә сәяхәт (ахыры) Безгә тын алырга ирек бирүче юк, Түгәрәк тау дип аталган тезмә эченнән, тау битендәге юллардан боҗра ясый-ясый, Валла дип аталган каньонны манзара кылырга алып киттеләр. Тәрәзәдән күз алмый күзәтәбез; тау биткәе саен бер авыл сыенган. Йортлары бер чамадарак – барысы да калынлыгы сыңар кирпеч бина. Эчтән-тыштан штукатурлаганнар. Түбә – һәммә җирдә чирәп. 
    95
    0
    2
  • 24 май 2018 - 14:08
    Лилия ФӘТТӘХОВА: Бата-калка йөзеп барган чакта Дәрьяларның ярсу агымында…              * * * Гел шулай булган ла... Ахмаклар, наданнар, Җаннарын  карага  манганнар Үз  сүзен  күтәргән  әләм дип.
    45
    0
    0
  • 24 май 2018 - 13:59
    “Мәхәббәт күгәрченнәре”  Г.Кариев исемендәге татар яшьләр театры шактый вакыт “Әкият” курчак театры бинасында “фатирда” торганнан соң, элекке “Победа” кинотеатрының яңадан сипләнгән бинасына күчте. Театрның үз өендә тамашачыга күрсәткән беренче премьерасы – “Мәхәббәт күгәрченнәре” спектакле.
    40
    0
    0
  • 24 май 2018 - 13:52
    Айга кырын карама 26 май -1 июнь 26 май (шимбә). Рамазан аеның 11 нче көне. 12 нче Ай тәүлеге. Ай Чаян йолдызлыгында, 16.05 сәгатьтә калка, 2.34 сәгатьтә бата. 2 нче фаза. Көн озынлыгы 16.54 сәгать. 
    32
    0
    0
  • 18 май 2018 - 16:13
    “МӘДӘНИ ҖОМГА” № 19 (2018) “МӘДӘНИ ҖОМГА” № 19
    84
    0
    0
  • 18 май 2018 - 15:52
    Вахит ИМАМОВ: Төркиягә сәяхәт Көтмәгәндә, өмет итмәгәндә, ерак Төркиягә сәяхәткә бардык. Әдәби матбага редакторларының чираттагы корылтаен төрки телле әдәби берлекләр конгрессы форматында уздырырга ният иткәннәр дә, ярты ел чамасы алдарак кубып, Татарстаннан да вәкилләр чакырганнар.
    201
    0
    1
  • 18 май 2018 - 15:44
    Максим Горький «Университетлары» Дистәләрчә ел дәвамында Горькийның үзенә һәм аның иҗатына берьяклырак мөнәсәбәт яшәп килсә дә, шунысы хак: аның әсәрләре беркемне дә битараф калдырмый. Язучының тормышы югары очышлар һәм түбән тәгәрәүләр, фаҗигаләр һәм бөеклекләр белән тулы. 
    60
    0
    0
  • 18 май 2018 - 15:38
    Дамир Гарифуллин: Орчык кебек бөтерелгән дөньяда Борчак чаклы түмгәкләр абындыра... (Робагыйлар)                    * * * Тууымның максаты үлеммени –  Китәр өчен дөньяга килиммени.  Яши-яши гөнаһка батмас өчен,  Бер гасыр да яшәми үлиммени.
    48
    0
    0
  • 18 май 2018 - 14:54
    Айга кырын карама 19-25 май 19 май (шимбә). Рамазан аеның 4 нче көне. 5 нче Ай тәүлеге. Ай Кысла йолдызлыгында, 7.03 сәгатьтә калка, 23.54 сәгатьтә бата. 1 нче фаза. Көн озынлыгы 16.31 сәгать.
    50
    0
    0
  • 14 май 2018 - 15:13
    “МӘДӘНИ ҖОМГА” № 18 (2018) “МӘДӘНИ ҖОМГА” № 18 (2018)
    86
    0
    0
  • 14 май 2018 - 14:57
    Авылым көне  «Авыл көне» дип аталган яңа йола турында ишеткән бар иде. Мәгәр шәхсән үзеңә кагылмыйча, талгын җил сыман, читтән генә үтеп киткән вакыйгалар күңелне тетрәндерми. Ә менә инде үзеңнең туган авылыңда бәйрәм була икән, валлаһи, яшәрәсең!
    100
    0
    0
  • 14 май 2018 - 14:50
    Әтиләрсез үскән буыннан без Татарстанның атказанган мәдәният хезмәткәре, республика әдипләренең Фатих Хөсни исемендәге әдәби бүләге лауреаты Равил Вәли – әтисе сугышка киткәч туган буын вәкиле.  Вәли абзый Сталинград сугышында һәлак була.  Шулай итеп, әти кеше газиз баласын, бала исә кадерле әтисен бер тапкыр да күрми. 
    39
    0
    0
  • 23 октябрь 2017 - 14:24
    Защити себя!
  • Төркиягә сәяхәт
Ночной режим