Мәдәни җомга

11 августта Горький паркында «Агачлар нәрсә турында җырлый» дигән уникаль спектакль тәкъдим ителәчәк

Шулай ук августта шәһәрлеләрне «Хәрәкәттә – бәрәкәт» проекты кысаларында яңа иҗади һәм спорт дәресләре көтә.

11-нче августта Горький исемендәге мәдәният һәм ял паркындашәһәрлеләргә һәм Татарстан башкаласы кунакларына Идел буе халыкларының гореф-гадәтләренә һәм хикәяләренә нигезләнгән «Агачлар нәрсә турында җырлый» дигән уникаль куелыш тәкъдим итәчәкләр. Ул үз эченә 4 әкиятне – удмурт, чуаш, мордва һәм мари әкиятләрен берләштерәчәк. Спектакль быел Казанда узачак Туган телләр һәм халыклар бердәмлеге елына багышланган 100 чараның берсе булачак.

«Кызыклы проект, аның белән төгәл танышырга кирәк. Өстәвенә, барысы да саф һавада узачак, спектакльгә керү түләүсез һәм ковидка каршы чаралар максималь рәвештә үтәләчәк. Без төрле постановкалар марафонын эшләтеп җибәрә алсын өчен, бу безнең яхшы традициябезгә әйләнсен иде. Артистларыбызга уңышлар телибез, ә шәһәр халкына бик яхшы тәэсирләр телим», – диде Казан Башкарма комитеты җитәкчесе Рөстәм Гафаров эшлекле дүшәмбедә.

Шәһәр Мәдәният идарәсе башлыгы Азат Абзалов сөйләгәнчә, урам спектаклен бурят режиссеры Сойжин Жамбалова куячак. Анда Татарстан театрлары актерлары, бәйсез артистлар һәм Россия театр югары уку йортлары студентлары катнашачак. Премьера көненнән тыш перформанс тагын 12-нче һәм 13-нче августта 18:30 сәгатьтә күрсәтеләчәк. 

Августта шәһәр халкын шулай ук «Хәрәкәттә - бәрәкәт» проекты (татар телендә спорт һәм иҗат дәресләре) кысаларында яңа дәресләр көтә. 19-нчы августта Горький исемендәге Үзәк мәдәният һәм ял паркында Татарстанның халык артисты Чулпан Закировадан «Бию» дип аталган халык биюе буенча мастер-класс узачак, ә 25-нче августта тренер Ләйсән Бикмуллина стретчинг буенча дәрес үткәрәчәк.

 

Камилә Гобәйдуллина

kzn.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: