Мәдәни җомга

Казан шәһәре

Республикада

3 февральдә «Черек күл» паркында «Алтын алка» турнирының шәһәр этабы ачыла

Гала-матчта «Ак Барс» хоккейчылары катнашачак.

3 нче февральдән 20 нче февральгә кадәр Казанда яшь хоккейчыларның Тарасов исемендәге «Алтын алка» Бөтенроссия ярышларының шәһәр этабы узачак. Турнирда барлыгы 103 команда катнаша. Бу хакта шәһәр Башкарма комитеты башлыгы Рөстәм Гафаровка эшлекле дүшәмбе барышында Физик культура һәм спорт комитеты рәисе Альберт Салихов хәбәр итте.

 

 3 нче февральдә Казанның «Черек күл» паркында турнирның шәһәр этабын ачу тантанасы планлаштырылган. Бу көнне гала-матч узачак, чарада «Ак Барс» хоккей клубының гамәлдәге уенчылары һәм ветераннары катнашачак. «Башкала халкын һәм кунакларын бәйрәмгә килергә һәм кышкы олимпия сезонындагы спорт вакыйгаларының үзәгендә булырга чакырам», – диде комитет башлыгы. Бу көнне паркка килүчеләрне зур спорт программасы көтә. Казанның иң яхшы фигурачылары, тимераякта шуучылар һәм башка кышкы спорт төрләре вәкилләре чыгыш ясаячак.

 «Яшь спортчыларның югары спорт уңышларына ирешкән профессиональ спортчылар белән очрашуы бик мөһим. Заманча технологияләр генә куллану җитми, кумирлар белән җанлы аралашу да кирәк», – дип ассызыклады Рөстәм Гафаров.

Альберт Салихов турнирда командалар гомуми белем бирү мәктәпләре, ишегалды командалары, яшүсмерләр клублары һәм шәһәрнең спорт мәктәпләре командалары базасында формалаша, дип билгеләп үтте. Шәһәрдә шәһәр турниры ике дивизионда уза: дүрт яшь төркемнәре буенча «Спорт» һәм өч яшь төркеме буенча «Ишегалды спорты». «Быел турнирда барлыгы 2 меңнән артык хоккейчы катнашачак, алар – 103 команда», – дип хәбәр итте А.Салихов.

 Шәһәр турниры матчлары 20 нче февральгә кадәр ачык хоккей тартмаларында һәм Казанның боз сарайларында узачак. Җиңүчеләрне һәм призерларны Физик культура һәм спорт комитетыннан кубоклар, медальләр, дипломнар, истәлекле статуэткалар белән бүләкләячәкләр.

 Шәһәр ярышларында «Спорт» һәм «Ишегалды спорты» дивизионнарында уен матчлары нәтиҗәләре буенча һәр яшь төркемендә беренче урынны алган командалар «Алтын алка» клубының Бөтенроссия яшь хоккейчыларының республика турнирында катнашачак.

 Исегезгә төшерәбез, гыйнвар башыннан Казанда турнирның район этаплары уеннары уза. Шәһәр турниры финалында һәр яшь төркемендә район ярышларында беренче урынны алган командалар катнаша.

 

 

kzn.ru

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев