«Яшәү яме»нә йөрүчеләр өчен «Кешеләр һәм еллар» дип аталган аралашу клубының беренче очрашуы булды

Кичә «Сәйдәш» мәдәният үзәгендә «Яшәү яме» проекты кысаларында «Кешеләр һәм еллар» клубының беренче очрашуы узды. Мотивацияли торган лекторийга «алтын» яшьтәге 400 гә якын кеше җыелган. Алар өчен актив озын гомерлелек вәкилләре чыгыш ясады. Алар, яшькә карамастан, күңелдәге утны ничек сакларга һәм көндәлек мәшәкатьләр аркасында шәхси тормышыңны ничек онытмаска икәнен сөйләделәр. 

«Кешеләр һәм еллар» клубы очрашуы алдыннан мәдәният үзәге холлында өченче яшь вәкилләре өчен фотосессия оештырылды, шулай ук «Яшәү яме» газетасы таратылды, ул өлкәннәр декадасында, 2 нче октябрьдә чыккан. 

Мотивацияли торган лекорийны язучы һәм драматург Рабит Батулла ачты, ул 85 яшендә «Ядәч» фильмында төшкән. Хәзер фильм илнең барлык кинотеатрларында киң прокатта бара. Рабит Батулла очрашуда катнашучыларга даими рәвештә вакыт җитмәве турында сөйләде. Сиксән алты ярым яшендә ул һәрвакыт мәшгуль һәм беркайчан да уйлаудан туктамый. 

«Монда минем яшьтәшләрем, озын гомерлеләр утыра. Без сезнең белән сугыш, ачлык, җиңүне уздык. Ниһаять, 90 яшькә җиттек. Миңа сиксән алты ярым яшь, һәм минем беркайчан да буш вакытым юк. Хатыным һәрвакыт мине сөйләшмичә утыруым өчен сүгә. Ә мин уйларымда язам, мин эшлим», — диде ул. 

Рабит Батулла билгеләп үткәнчә, күңелең белән яшь калу өчен максат булырга тиеш, шулай ук үз талантларыңны ачарга кирәк. Аның фикеренчә, һәр кеше үз сәләте белән туа, аны гаиләдә, мәктәптә яки тормышта ачу зарур. 

Лекторийның икенче спикеры — менталь арифметика буенча дәресләр методикасы авторы һәм укытучысы — Тамара Глазова кайчандыр «Яшәү яме» проектында катнашкан булган, хәзер инде бер ел Казан пенсионерларына менталь арифметика укыта. 

Катнашучыларның соравына җавап биреп, үзенең белем алуына беркайчан да акчасын кызганмавын билгеләп үтте. Ул бухгалтерлык һәм чәчтарашлык курсларын үткән. Менталь арифметика буенча уку аңа «Яшәү яме» клубында укыту мөмкинлеге бирә. Тамара Глазова шәһәр Мэры Илсур Метшинга мондый проектны булдырганнары өчен рәхмәт белдерде. 

«Яшәү яме»нең барлык юнәлешләрендәге укытучылар составы исеменнән Илсур Рәис улына шундый матур проект өчен чын күңелдән рәхмәт әйтәсем килә. Ул илдә бердәнбер иде, ярты елдан соң гына «Московское долголетие» барлыкка килде. Без алда идек, бездән үрнәк алдылар», - дип искә төшерде ул. 

Тамара Глазова белән «Кешеләр һәм еллар» очрашуында катнашучылар үткәннәрне искә төшерделәр, шулай ук нокталы массаж һәм нейрогимнастика үткәрделәр. 

Көньяк Африка Республикасында узган академик ишү буенча ветераннар арасында дөнья чемпионатында катнашуы турында «Динамо» ветераннар советы рәисе Александр Плюшкин сөйләде. Алар рульсез четверкада (70 яшькә кадәр) беренче урынны һәм рульле четверкада (65 яшькә кадәр) икенче урынны алдылар. Александр Плюшкин лекторийда катнашучыларны спорт белән шөгыльләнергә чакырды:

«Торыгыз һәм организмны торгызу өчен кирәк булганны эшләгез. 15 минут түгел, ә бер сәгать яки сәгать ярым йөрегез. Әгәр дә кемдер бассейнга йөри ала икән, анда йөрегез. Хәрәкәт — сезгә озын гомер һәм сәламәтлек бирә торган иң мөһим нәрсә». 

Идел буе районы Ветераннар советы рәисе Вера Сабирова мондый лекторийларны иң беренче чиратта аралашу өчен кирәк дип саный: «Кешеләр аралашырга, бер-берсенә карарга тели. Безнең районнан 53 кеше килде. Мэрия оештырган бөтен чараларга барысы да һәрвакыт рәхәтләнеп йөри». 

Башка катнашучылар өчен «Кешеләр һәм еллар» аралашу клубы — оптимизм һәм сәламәт яшәү рәвешен өйрәтүче мотивацияли торган проект. Мондый очрашулар инвалидлар өчен дә бик мөһим, дип билгеләп үтте «ТР ветераннар берлеге» ветераннар һәм инвалидлар республика иҗтимагый оешмасы рәисенең беренче урынбасары, Әфганстанда сугыш хәрәкәтләрендә катнашкан Александр Поляков. 

«Минем өчен ветераннарга, ялгызларга, авыруларга, туганнары һәм якыннары ярдәменнән мәхрүм булган инвалидларга ничек ярдәм итәргә икәнен белү мөһим. Республикабызның танылган кешеләре тәкъдим итәчәк иң яхшы әйберләрне өйрәнергә килдем. Миңа инде 80 яшь, ә һәр кешенең тормышында яше мөһим түгел. Шатлыклы, кайгысыз, сагынусыз күңел гел яшь булып кала», - дип уртаклашты Александр Поляков. 

Бүгенге көндә Казанда 291 512 пенсионер яши, аларның 55 е гасыр чиген узган. «Кешеләр һәм еллар» клубының төп максаты — өлкән буын кешеләре арасында актив яшәү рәвешен популярлаштыру. Яшәү ямен тоеп яшәүчеләр өчен бу яхшы вакыт үткәрү мөмкинлеге.

Диләрә Гафурова

KZN.RU