Зәңгәр күлдә өч торна (ХИКӘЯ)
Аякларымны пешергән резин галошларны бер читкә ыргытам, күлмәгемне салып җиргә җәям дә йөзтүбән сузылып ятам. Беләкләрне, аяк балтырларын барыбер саклый алмыйм – кайнар туфрак өтеп-көйдереп ала. Яткан килеш кенә «колак мендәре» әтмәллим – рәхимсез эсселектән әлсерәшкән чөгендер үсентеләрен өзеп баш астыма түшим һәм, ниһаять, битемне дымсу яфракларга куеп, күзләремне йомам.
