«Җилкәнсезләр», яки Курчак милләтенең курчак уеннары
К.Тинчурин театрының сәхнәсе агач диварлар белән әйләндереп алынган. Ярым караңгылык. Пыскып кына янган утлар күңелгә шом сала. Икешәр рәт түгәрәкләп утырган тамашачы сагаеп, тынып калган. Урыннар күп түгел, шулай да нәни зал тулмаган, урыннар арасындагы караңгы бушлыклары белән тамашачылар урнашкан урын куркыныч дию пәриенең тешсез авызын хәтерләтә. Вакыйгалар шунда ук сәхнәдә уйнала. Режиссер Туфан Имаметдинов танылган драматургыбыз Кәрим Тинчуринның әсәре буенча куйган «Җилкәнсезләр» спектакле әнә шулай башланып китте.
Мәдәни җомга
