Җәлил кызы Люция
Безнең буынны ничәмә-ничә еллар буе хакыйкатьтән яшереп яшәттеләр. 1970 елларда университетта укыган чагында да лекцияләрдә Җәлил шигырьләрен генә түгел, хәтта аның Беренче Май мәйданына куелган һәйкәленә тикле төрлечә тикшерәләр, әмма гаилә хәле турында сүз чыкса, Әминә һәм Чулпан исемнәре белән генә авызны томалыйлар иде. Тора-бара, яши-яши генә ишеткәли башладык, Җәлил яшьлегендә бер-бер артлы өч кызга гашыйк булырга, мәхәббәт газаплары кичерергә дә өлгергән икән әле...
