Мәдәни җомга

Казан шәһәре

18+
2024 - Гаилә елы
Республикада

«Унбер» лицее «Татар теленнән кызыклы дәресләр өчен 45 уен» китабын чыгарган

«Уеннарның күпчелек өлеше инглиз телен укыту методикасыннан һәм татар фольклорыннан алынды», — диде Рашат Якупов.

«Унбер» лицее «Татар теленнән кызыклы дәресләр өчен 45 уен» китабын бастырып чыгарган.

«Китапта татар теле дәресләрендә куллана алырлык 45 уенны тәкъдим иттек. Күпчелек дәресләрне үзебез кулланып карадык. Аларның зур өлеше инглиз телен укыту методикасыннан алынды. Бер өлеше дәрескә яраклаштырылган татар милли уеннарыннан алынды. Татар фольклорына нигезләнгән үрнәкләр бар», — диде «Татар-информ» хәбәрчесенә татар теле укытучысы Рашат Якупов.

Китапны «Унбер» мәктәбенең татар теле укытучылары — Рашат Якупов, Гөлфия Габдуллаҗанова, Резидә Курамшина төзегән.

Рашат Якупов уен технологиясе дәресләр өчен уңышлы алым дип саналуын әйтте. «Дәресне кызыклы итү һәм өйрәнгән материалны кызыклы форматта кабатлау, үзләштерү өчен нәкъ менә уеннар үткәрергә кирәк. Алар материалны яхшырак истә калдырырга, кабатларга, татар телен яхшырак үзләштерергә ярдәм итә», — диде ул.

Китаплар татар теле укытучылары өчен семинарларда таратылган булган. Калган китапларны «Унбер» лицее оештырачак чараларда таратып бетерәчәкләр. 

 

Зилә Мөбәрәкшина 

«Татар-информ» 

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев