Мәдәни җомга

Татарстанда урман чистартканда өстенә агач ауган 54 яшьлек ир-ат үлгән

Фаҗига кичә Биектау районындагы ташландык хәрби полигон янында булган

Татарстанда урман чистарткан вакытта эшче өстенә киселгән агач ауган. Бу хакта «Татар-информ»га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Фаҗига кичә республиканың Биектау районындагы ташландык хәрби полигон янында булган. 54 яшьлек эшче урман чистарту белән шөгыльләнгән. Ир-ат агачларның берсен кискән, әмма агач җиргә төшмичә, ботакларына эләгеп калган.

Эшче территорияне җыештырган һәм агач астында яткан бензопиланы алырга килгән. Шул мизгелдә агач кәүсәсе сынып, аның өстенә төшкән. Имгәнгән ир-ат үлгән.

Шунысын да искәртергә кирәк, фаҗига вакытында эшче саклагыч каска кимәгән булган.

Хәзер тикшерүчеләр ир-ат үлеменең барлык сәбәпләрен ачыклый. Тикшерү үткәргәннән соң процессуаль карар кабул ителәчәк.

 

Полина Шевчук

«Татар-информ»

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: