Татарстанда «Фермер мәктәбе»н тәмамлап чыгучыларның иң яхшылары ярдәм алды

Проект Татарстан Республикасы Авыл хуҗалыгы һәм азык-төлек министрлыгы һәм Казан дәүләт аграр университеты белән берлектә Россельхозбанк тарафыннан гамәлгә ашырыла. Мәктәптә 4 юнәлеш:   «Терлекчелек», «Кошчылык», «Атчылык», «Үсемлекчелек» буенча 40 тыңлаучы белем алды.

 «Фермер мәктәбе»н тәмамлаучылар тарафыннан тәкъдим ителгән өч бизнес-проект эксперт комиссиясе  карары белән  иң яхшылар дип танылды. Грант алучыларның берсе - Рөстәм Гобәйдуллин – үзенең Әгерҗе районында    100 башка исәпләнгән сөтчелек фермасы ачарга ниятли, грант иясе Оксана Посадская Чүпрәле районы  җирләрендә чикләвек үстерергә уйлый, ә Шамил Амагомедов ат үрчетү буенча инвестиция проектының бизнес-планын уңышлы яклады.

Бүген грантларга сертификатларны Татарстан Республикасы авыл хуҗалыгы һәм азык-төлек министры урынбасары Рафаэль Фәттахов, Россельхозбанкның Татарстан төбәк филиалы директоры Ләлә Кудерметова һәм Казан дәүләт аграр университеты проректоры Наил Хәмидуллин тапшырдылар.

 «Фермер мәктәбе» ярдәмендә авыл хуҗалыгы җитештерүчеләре үзләренең финанс белемен арттырдылар, бизнес алып баруның юридик аспектларын өйрәнделәр, бухгалтерлык исәбен алып бару һәм хисаплылык  үзенчәлекләре белән таныштылар, продукцияне  сертификацияләү серләренә төшенделәр,  шулай ук нәтиҗәле сату нигезләрен өйрәнделәр һәм чит ил аграрийларының тәҗрибәсе турында күбрәк мәгълүмат алдылар. Моннан тыш, тыңлаучылар агробизнес алып бару өчен цифрлы инструментлардан, шул исәптән Россельхозбанкның  “Свое Родное”  маркетплейсыннан һәм “Свое Фермерство” экосистемасыннан файдаланырга  өйрәнделәр.   

agro.tatarstan.ru