Республикада
Синоптиклар татарстанлыларны көчле җил исәчәге һәм яңгыр явачагы хакында кисәтте
Төнлә һава температурасы +8..+13 градус тәшкил итәчәк.
Татарстанда яңа атна яңгырлар һәм көчле җил белән башланып китәчәк. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Көн болытлы булачак, төньяк-көнбатыштан искән җилнең тизлеге көчәйгәндә секундына 15-18 метрга кадәр җитәргә мөмкин.
«Көнчыгыш районнарда урыны белән бераз яңгыр явуы ихтимал», - диелә матбугат хезмәте хәбәрендә.
Төнлә һава температурасы +8..+13 градус тәшкил итәчәк, көндез исә термометрның терекөмеш баганасы +18..+23 градуска кадәр күтәреләчәк.
Следите за самым важным и интересным в Telegram-каналеТатмедиа
Нет комментариев