Рөстәм Миңнеханов Мәскәүдә Кыргызстан Президенты белән очрашты
Кыргызстан Президенты Садыр Жапаров бүген Россиягә беренче тапкыр килде.
Бүген Татарстан Президенты Рөстәм Миңнеханов Мәскәүдә Кыргызстан Республикасы Президенты Садыр Жапаров белән очрашты.
Рөстәм Миңнеханов Садыр Жапаровны вазифага керешүе белән котлады һәм Татарстанга чакырды. Бу хакта Татарстан Президентының матбугат хезмәте җитәкчесе Лилия Галимова хәбәр итте.
«Сезне Татарстанда көтәбез, без Кыргызстан Республикасы белән хезмәттәшлек итү белән бик кызыксынабыз. Тәҗрибә алмашырга, Сезнең делегацияләрне, белгечләрне кабул итәргә әзер. Эшче төркем төзергә кирәк», — диде Рөстәм Миңнеханов.
«Минем белән очрашуга Татарстаннан килүегез өчен сезгә рәхмәт. Сезне теләсә кайсы уңайлы вакытта Кыргызстанга чакырам», — диде Садыр Жапаров.
Кыргызстан Президенты бүген Россиягә беренче чит ил визиты белән килде. Ул Россия Президенты Владимир Путин белән очрашты инде, дип хәбәр ителә Кремль сайтында.
Следите за самым важным и интересным в Telegram-каналеТатмедиа
Нет комментариев