Мәдәни җомга

Казан шәһәре

Республикада

Илсур Метшин: «Хатын-кызларга гаилә учагы җылысы, туганнарны һәм якыннарны кайгыртулары, балалар тәрбиясе өчен чиксез рәхмәтлебез»

Казан Мэры «Ел хатын-кызы. Ел ир-аты: хатын-кыз карашы» шәһәр бәйгесендә җиңүчеләрне бүләкләде.

Халыкара хатын-кызлар көне алдыннан Казан Ратушасында «Ел хатын-кызы. Ел ир-аты: хатын-кыз карашы» шәһәр бәйгесенә йомгак ясадылар. Җиңүчеләргә бүләкләрне Татарстан башкаласы Мэры Илсур Метшин тапшырды.

«Сезне бу язгы кояшлы көндә сәламләвемә чын күңелдән шатмын. Сез безгә, ир-атларга, үз-үзебезгә ышанырга, уңышларга ирешергә ярдәм итәсез, һәр гадәти көннән бәйрәм ясый беләсез, яңа казанышларга рухландырасыз. Сезгә гаилә учагы җылысы, туганнарны һәм якыннарны кайгырткан, балалар тәрбиясе өчен чиксез рәхмәтлебез», – дип мөрәҗәгать итте җыелучыларга Илсур Метшин.

Тантаналы чарада ТР Премьер-министры урынбасары Ләйлә Фазлыева, ТР Дәүләт Советы һәм Казан шәһәр Думасы депутатлары, Татарстан башкаласында яшәүче хатын-кызлар – шәһәр хуҗалыгының төрле өлкәләрендә алдынгылар катнашты. Традиция буенча бәйгедә күп балалы аналарны, эре сәнәгать предприятиеләре хезмәткәрләрен, бизнес вәкилләрен һәм шәһәрне үстерүгә өлеш керткән, башкала халкының тормыш иминлеген тәэмин иткән казанлыларны хөрмәтлиләр.

 

 

«Хатын-кыз – ана» номинациясендә Сәрия Бадакшанова җиңүче булды, ул ире Роберт Бадакшанов белән бергә тугыз бала – 6 малай һәм 3 кыз тәрбияли. «Безнең гаилә иминлегенең сере – бергәләп эшләү», – дип сөйләде Сәрия Бадакшанова.

«Балалар – безнең киләчәгебез. Гаиләләрдә кемнеңдер ике, өч бала, ә кемнеңдер тагын да күбрәк, бу бик шәп. Без киләчәкнең яктырак һәм яхшырак, яшь казанлыларның балачагы бәхетле һәм борчусыз булуын телибез. Моның өчен башкалабызны төзекләндерәбез һәм үстерәбез, зур планнар корабыз», – дип ассызыклады Илсур Метшин.

Татарстан буенча Россия Кулланучылар күзәтчелеге идарәсе җитәкчесе, республиканың баш дәүләт санитар табибы Марина Патяшина «Хатын-кыз – лидер» номинациясендә җиңде. «Соңгы елларда кичерергә туры килгән иң авыр әйбер – билгесезлек. Элек беркем дә мондый кыенлыкларга очрамады, әмма уртак эшебез нәтиҗәсендә без республиканың һәр кешесенең тормышы имин булсын өчен, үз гамәлләребезне дөрес итеп кора алдык», – дип билгеләп үтте ул.

Шәһәр башлыгы соңгы ике елда җиңел булмаганы белән килеште. Коронавирус пандемиясе һәм аның нәтиҗәләре планетаның һәр кешесенә кагылды, һәр илнең икътисадына җитди зыян китерде, миллионлаган кешеләрнең дөньяга карашын тамырдан үзгәртте. Бу катлаулы чорда хатын-кызлар, якыннарын һәм туганнарын кайгыртып, үз гаиләләренә ярдәм иттеләр, саклап калдылар, шул ук вакытта үз эш урыннарында армый-талмый хезмәт куйдылар, дип ассызыклады Мэр.

«Хатын-кыз – бизнес-леди» номинациясендә Альбина Сергеева җиңү яулады. Ул – пансионатлар челтәренә нигез салучы, анда өлкән яшьтәге кешеләр, мөмкинлекләре чикләнгән кешеләр һәм инвалидлар ярдәм ала. Ире Альбина Сергеева белән бергә республикада 5 пансионат ачкан инде. Аларның үз атмосферасы бар, ул татарстанлыларга үзләрен өйдәге кебек хис итәргә мөмкинлек бирә. «Гаиләгә, халыкка ярдәм итү миңа алга барырга һәм үз алдыма яңа максатлар һәм бурычлар куярга ярдәм итә», – дип билгеләде Альбина Сергеева.

 

 

2021 ел Татарстанда Туган телләр һәм халыклар бердәмлеге елы булды, ә 2022 ел Россиядә Дөнья халыкларының мәдәни мирасы елы дип игълан ителде. Мәдәни кыйммәтләрне үстерүгә керткән өлеше өчен «Хатын-кыз – мәдәният һәм рухилык» номинациясендә Кадыш торак массивындагы мәдәният йорты аккомпаниаторы, «Задорные кумушки» вокаль ансамбле һәм «Зәңгәр күл» татар ансамблен оештыручы Люция Камалова җиңде. «Кешеләргә, иҗатка карата­ мәхәббәт башкаларда иң яхшы сыйфатларны ачарга мөмкинлек бирә. Кеше күңеле һәрвакыт игелекле булып калырга тиеш», – дип уртаклашты ул. Люция Камалова тантана кунаклары өчен чыгыш ясады һәм алкышлар астында татар халык җырын башкарды.

«Хатын-кыз – ел үрнәге» номинациясендә Екатерина Краснова һәм Юлия Созинова җиңүче булды. Казан Мэры билгеләп үткәнчә, пандемия вакытында коронавируска каршы көрәшкә үз өлешләрен керткән хатын-кызлар аеруча игътибарга лаек. Әйтик, Республика клиник йогышлы авырулар хастаханәсенең баш табибы урынбасары Юлия Созинова медицина оешмасының өстәмә корпусын төзүдә актив катнашкан. Хастаханәнең ишекләрен бик кыска вакыт эчендә ачылган, шуннан соң меңләгән татарстанлы кирәкле медицина ярдәмен ала алган. Ул, эшләүче табиб-инфекционист буларак, тәүлек буе стационарда булган һәм килгән һәр авыруга ярдәм күрсәткән.

Екатерина Красновага аерым рәхмәт сүзләре әйтелде. Психолог буларак, ул сукырлар өчен махсус адаптация методикасын эшләгән. Аның эше нәтиҗәсендә меңләгән начар күрүче казанлы адаптацияләнә һәм тулы тормыш белән яши. «Тормыш энергиясенең төп чыганагы булып минем гаиләм һәм якын кешеләрем тора. Нәкъ менә алар мине яңа казанышларга илһамландыра», – дип уртаклашты ул.

 

 

«Минем язмышым – минем һөнәрем» номинациясендә шулай ук ике гүзәл зат җиңүче булды. Фирдәүсә Төхбатуллина – «КМПО» акционерлык җәмгыятенең сыйфат контроле буенча әйдәп баручы инженеры. 34 ел дәвамында предприятиедә хезмәт куя һәм яшь хезмәткәрләрне укыта. Әйтик, узган елның сентябреннән аның кече кызы шулай ук заводка эшкә килгән.

Бу номинациядә икенче җиңүче – 38 ел стажлы кран машинисты Дания Сабирова. Ул «Казанкомпрессормаш» гавами акционерлык җәмгыятендә эшли һәм йөк күтәрүчәнлеге 50 тоннага кадәр булган барлык күпер краннары белән идарә итә. Ханым һәркөнне компрессор җайланмаларын, агрегатларны һәм төрле технологик җиһазларны төяү, бушату буенча катлаулы эш башкара. Аның белән бергә заводта аның ире һәм олы кызы да эшли.

«Өченче буын герое» номинациясендә «Казан вертолет заводы» акционерлык җәмгыятенең 50 еллык стажы булган слесарь-сынаучысы Мәдинә Рәхимова җиңүче дип табылды. Ул предприятие чыгара торган барлык модификацияләр өчен электр жгутларын һәм плазларын чыгаруны тикшереп тора. Бракны булдырмау буенча вазифаи бурычларын бик яхшы башкарганы өчен, бу алга таба җитештерү этабында кыйммәтле җиһазларның сафтан чыгуына китерергә мөмкин, аңа үзконтрольнең шәхси клеймосы белән эшләү ышанып тапшырылган.

Татар телен үстерүгә керткән өлеше өчен «Хатын-кыз – галим» номинациясендә педагогика фәннәре кандидаты, Казан федераль университетының әйдәп баручы укытучысы, «Ана теле» татар телен өйрәтү онлайн-мәктәбенең академик җитәкчесе Кадрия Фәтхуллова җиңүче булды. Ул – «Әйдәгез татарча сөйләшик» уку басмасы, шулай ук мәктәпләр өчен башка уку әсбаплары, сүзлекләр, сөйләүлекләр авторы. «Мин республикабыз белән горурланам, Татарстанда туган телләрне үстерү һәм саклау өчен күп эшләнә».

 

 

«Аерым танылу» номинациясендә җиңүче дип Алинә Зарипова танылды. 175 нче номерлы гимназиянең тәҗрибәле педагогы буларак, ул татар телен укыту буенча үз методикасын эшләгән һәм үсеп килүче буынга кыйммәткә ия белем һәм тәҗрибә тапшыра.

Ел саен иң яхшыларны «Ел ир-аты: хатын-кыз карашы» конкурсында да билгелиләр. «Ир-ат – намуслы йөрәк» номинациясендә «Все сам» «Инвалидларның көндезге тору үзәге» директоры урынбасары Илья Школьников җиңде. Аның актив эшчәнлеге нәтиҗәсендә быел Казанның Идел буе районында илдә беренче кондуктив балалар бакчасы ачу планлаштырыла. Мәктәпкәчә учреждениегә үзәк нерв системасы эше бозылган 3-7 яшьлек балалар йөри алачак, алар белгеч-кондуктологлар ярдәмендә үз күнекмәләрен үстерәчәк. 

Ә «Ир-ат – лидер» номинациясендә Казанның Ашыгыч медицина ярдәме станциясе баш табибы Фәрит Галәветдинов җиңүче дип танылды.

«Безнең өчен башкарган барлык эшләрегез өчен сезгә ихтирамыбызны һәм ихлас рәхмәтләребезне белдерергә рөхсәт итегез», – дип билгеләде Илсур Метшин тантана ахырында.

 

Дмитрий Никитин

kzn.ru

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев