Мәдәни җомга

Казан шәһәре

Республикада

Илһам Шакиров исемендәге «Татар моңы» конкурсына гаризалар кабул итү дәвам итә

15 мартка кадәр Татарстан Республикасында, Россия Федерациясе регионнарында, чит илләрдә беренче сайлап алу турлары узачак.

Илһам Шакиров исемендәге «Татар моңы» XI Халыкара телевизион конкурсына гаризалар кабул итү дәвам итә. Бу хакта оештыручыларга сылтама белән Бөтендөнья татар конгрессының матбугат хезмәте хәбәр итә.

2020 елның 15 мартына кадәр Татарстан Республикасында, Россия Федерациясе регионнарында, чит илләрдә беренче сайлап алу турлары узачак.

«Татар моңы» халыкара яшь башкаручылар телевизион конкурсы 2008 елдан бирле ел саен үткәрелә. 2019 елда Татарстан Республикасы Президенты Рөстәм Миңнеханов карары белән конкурска ТАССРның халык артисты Илһам Шакиров исеме бирелде.

Конкурсның максаты — татар халык җырларын һәм татар композиторларының әсәрләрен пропагандалау, яшьләрне милли-мәдәни кыйммәтләргә җәлеп итү, талантлы яшь башкаручыларны ачыклау һәм аларга ярдәм итү, аларның иҗади потенциалын үстерү.

Жюри рәисе — Россиянең атказанган артисты, Татарстанның халык артисты, профессор, Г.Тукай исемендәге Дәүләт премиясе лауреаты Салават Фәтхетдинов.

 

"Татар-информ"

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев