Җиңел машина йөртүче Казаннан чыгу юлында экскаваторга бәрелеп хастаханәгә эләккән

admin, 7 июль 2021 - 15:19

607

Авария бүген 9.20 сәгатьтә Казан – Яшел Үзән трассасында булган.

Җиңел машина йөртүче Казаннан чыгу юлында экскаваторга бәрелеп хастаханәгә эләккән.

Шәһәр автоинспекциясендә «Татар-информ» мәгълүмат агентлыгына сөйләүләренчә, авария бүген 9.20 сәгатьтә Казан — Яшел Үзән трассасында булган.

Беренчел мәгълүматларга караганда, Opel җиңел машинасын йөртүче автомобиль белән идарә итә алмаган һәм экскаваторга барып бәрелгән.

«Машина йөртүче төрле җәрәхәтләр алган. Аны ашыгыч ярдәм машинасында хастаханәгә илттеләр. Юл-транспорт һәлакәте шартлары билгеләнә», — диде ЮХИДИ хезмәткәрләре.