Мәдәни җомга

Казан шәһәре

Республикада

Бу атнада Казан паркларында һәм скверларында яңа ел конструкцияләрен сүтү башлана

Казан парклары һәм скверлары территориясендә бу атнада яңа ел конструкцияләрен сүтү башланачак. Бу кышны бәйрәм иллюминациясе белән 21 җәмәгать мәйданы бизәлгән.

«Салават күперендәге паркта һәм ТР төзелеш тармагының 100 еллыгы скверында чыршы утлары кабынды, бәйрәм бизәлеше Казансу ярында булды», - дип искәртте Башкарма комитетның аппарат киңәшмәсендә Казанның парклар һәм скверлар дирекциясе җитәкчесе Айгөл Латыйпова.

Кыш ахырына кадәр паркларда актив ял итүчеләргә хезмәт күрсәтү дәвам итәчәк. Чаңгы прокаты Горки-Әмәт урманында, Җиңү паркында һәм Аккош күле урман паркында оештырылган.

Мир урамындагы паркта һәм Җиңү паркындагы тауларда бушлай шуып була, шунда ук тюбингларны арендага алырга мөмкин. Боз шугалаклары ТР төзелеш тармагының 100 еллыгы скверында, «Черек күл», Җиңү һәм «Калейдоскоп» паркларында эшли.

 

"Татар-информ"

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев