Бауман урамында татар халкының «Зәлидә» уены узды

Кичә кич Казанның Бауман урамында татар халкының җырлы-биюле «Зәлидә» уены узды.

Музыкантлар түгәрәк уртасында татар халык көйләрен башкарды, ә уенда катнашучылар алар тирәли җырлады һәм биеде. Бии белмәүчеләрне халыкара конкурс-фестивальләр лауреаты, педагог-хореограф Сәидә Миңнебаева белән фламенко биюе остасы, танылган хореограф Гөлсинә Галимуллина өйрәтеп торды. Кичке сәгать җидедә башланган чара караңгы төшкәнче дәвам итте. Бу чара «Хәрәкәттә-бәрәкәт» проекты кысаларында оештырылды.

Рифат Каюмов

"Татар-информ"