Мәдәни җомга

Атна ахырында Казанда 20 градуска кадәр салкын булачак

Татарстан башкаласында салкын һава торышы дүрт-биш көн торачак.

Бу атна ахырына Татарстан башкаласында шактый салкынайта, һава температурасы -20 градуска кадәр була.

«Хәзер без көнбатыш процессны күзәтәбез, 5 февральгә кадәр температура фоны климатик нормадан югарырак булачак. 5 февральдән башлап температура -20 градуска кадәр төшәчәк. Җомга көнне явым-төшем булуы ихтимал. Температураның түбәнәюе дәвамлы була һәм ул дүрт-биш көн дәвам итәчәк», - диде «Татар-информ»га Казан федераль университетының метеорология, климатология һәм атмосфера экологиясе кафедрасы мөдире, профессор, география фәннәре докторы Юрий Переведенцев.

Спикер төньяк җилләре исәчәге, бураннар чыгачагы һәм җәяүле буран турында кисәтте. РФ Гидрометеорология һәм әйләнә — тирә мохитне күзәтү идарәсе фаразына караганда, 6 февральдә көндез Казанда 14 градус салкын көтелә, 7 февральдә көндез -17 градус, ә шимбә төнендә -21 градус салкын булачак.  

 

Наталья Рыбакова

«Татар-информ»

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: