Республикада
Арча районындагы янгында гаилә бернәрсәсез кала
Арча район газетасы хәбәр иткәнчә, каза көтмәгәндә килә. Мөндеш авылында 17 июльдә, кичке сәгать 5 тулганда шәхси йорт яна башлый.
Сарай һәм йорт санаулы вакыт эчендә янып бетә. Хуҗалар бернәрсәсез кала. Янгын сүндерүчеләр тиз арада килеп җитсәләр дә, ялкын телләре бөтен хуҗалыкны камап алган була. Мөндеш авылында яшәүче Филсинә ханым ике баласы һәм бер нәни оныгы белән йортсыз кала. Мәктәптә укучы улы һәм 4 айлык сабыйны үстерүче кызы әлегә Арчада яши киән. Аларга ярдәм кирәк. Кем ничек булдыра ала, ярдәм кулын сузсак иде, дип яза район газетасы.
Следите за самым важным и интересным в Telegram-каналеТатмедиа
Нет комментариев