Мәдәни җомга

Казан шәһәре

Республикада

Аксубай баянчылары Мәскәү өлкәсендә узган музыкаль конкурста гран-прига ия булган

«Аксубай егетләре» триосы өч баянчыны — Ильяс Исмагыйлев. Никита Семёнов һәм Вадим Липатовны берләштерә.

Мәскәү өлкәсенең Орехово-Зуево шәһәрендә үткән балалар музыкаль конкурсында Аксубай баянчылары гран-при алды.

«Конкурста Мәскәү, Мәскәү өлкәсе һәм Казан яшь музыкантлары катнашты. Жюри Аксубайдан килгән баянчылар триосын аеруча югары бәяләде», — дип хәбәр итә ТР Традицион мәдәниятне үстерү ресурс үзәге.

«Татар халкының музыка сәнгате — Россиянең мәдәни казанышы» балалар музыка конкурсы татар композиторлары Нәҗип Җиһанов белән Рөстәм Яхинга багышланган иде. Оештыручылар — Орехово-Зуево шәһәр округы администрациясе һәм шәһәрнең Татар милли-мәдәни автономиясе.

«Аксубай егетләре» триосы өч баянчыны — Ильяс Исмәгыйлев. Никита Семёнов һәм Вадим Липатовны берләштерә. Коллектив Аксубай мәдәният йортында иҗат итә, җитәкчесе — Наилә Крайнова.

Трио конкурста «Егетләр биюе» фронт новелласын тәкъдим иткән.

«Аксубай егетләре» триосын Мәскәүдә үткән Татарстан көннәре концертына чакырырга тәкъдим ителгән. Фестиваль-конкурска килгән Татьяна Малышева — Муса Җәлилнең оныгы трионы үзләренең Татарстан концертларының берсенә чакырган. 

 

Рузилә Мөхәммәтова 

 «Татар-информ» 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев