Мәдәни җомга

Казан шәһәре

Республикада

«Әкият» курчак театры Әлфия Авзалованың туган көнендә «Әлфия» спектаклен күрсәтә

«Әкият» Татар дәүләт курчак театры Әлфия Авзалованың 90 еллыгы уңаеннан «Әлфия» спектаклен күрсәтәчәк.

«15 гыйнварда халкыбызның легендар җырчысы, Россиянең атказанган, Татарстанның халык артисты Әлфия Авзалованың тууына 90 ел. Шушы уңайдан бу көнне тамашачыны Илгиз Зәйниевнең Әлфия Авзаловага багышлап иҗат иткән «Әлфия» спектакленә чакырабыз», - дип хәбәр итә театрның матбугат үзәге.

Спектакль 17.00 сәгатьтә башлана.

Спектакль аша Әлфия Авзалованың язмышын күзалларга мөмкин. Тормыш күренешләренә туры килгән җырлар да сайланган. Әлфия Авзалованың төрле яшьтәге курчаклары ясалган. Сәхнәдә Илһам Шакировның да, җырчының иҗат төркемендәге музыкантларның да курчаклары бар.

  • «Әлфия» спектакленең премьерасы 2019 елда булды. Спектакль «Алтын битлек 2021» Россия милли театр премиясе лонг-листына керде.

 

Рузилә Мөхәммәтова

"Татар-информ"

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев