Мәдәни җомга

"Ак Барс" яңа сезонны җиңү һәм Кубок белән башлады!

Казанның "Ак Барс" хоккей командасы яңа сезонны җиңү белән башлап җибәрде һәм беренче уенда ук беренче трофейга ия булды: казанлылар КХЛ Ачылышы Кубогын яулады.

Мәскәүдә җирле ЦСКАга каршы уенның овертаймында Дмитрий Квартальнов шәкертләре мәйдан хуҗаларын өстәмә вакытта 3:2 исәбе белән җиңүгә иреште. Мәскәүлеләр беренче булып исәпне ачкач, "Ак Барс"ка килгән Франция уенчысы Стефан да Коста исәпне тигезли алды. ЦСКА тагын бер тапкыр алга чыкты, әмма тагын бер яңа уенчыбыз Найджел Доус янә исәпне тигез ясады. Төп вакыт уртак нәтиҗәгә тәмамлангач, өстәмә вакыт бирелде. Овертаймда Казан командасының яшь йолдызларыннан берсе Дмитрий Воронков "Ак Барс"ка җиңү һәм Кубок китерде. Киләсе уенны Казан командасы үз мәйданында "Витязь"га каршы уздырачак. Матч 19.30да башлана.

ЦСКА – «Ак Барс» – 2:3 ОТ (1:0, 0:1, 1:1, 0:1).

 

Фото: https://www.ak-bars.ru/

"Шәһри Казан"

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: