30 нчы апрельдә һәм 1 нче майда йорт хайваннарын котыру авыруына каршы вакцинацияләү Казанның Киров һәм Идел буе районнарында узачак

Казанда эпизоотиягә каршы язгы эшләр кысаларында чаралар дәвам итә. 30 нчы апрельдә һәм 1 нче майда йорт хайваннарын котыру авыруыннан бушлай вакцинацияләү шәһәрнең Киров һәм Идел буе районнарында оештырылачак.

30 нчы апрельдә 10:00 сәгатьтән 12:00 сәгатькә кадәр шәһәрнең дәүләт ветеринария клиникалары хезмәткәрләре Игумново поселогында Лагерная урамындагы 109 нчы номерлы йорт янында мәчеләр һәм этләргә вакцинация ясаячаклар.

30 нчы апрельдә 14:00 сәгатьтән 16:00 сәгатькә кадәр вакцинация Залесный поселогындагы Пороховая урамындагы 25 нче номерлы йорт янында оештырылачак.

30 нчы апрельдә ике табиблар бригадасы Мирный поселогында вакцинация үткәрәчәк. Шулай итеп, 10:00 дән 14:00 гә кадәр табиблар Яңа Дәүләки урамындагы 16а номерлы йорт янында һәм 10:00 дән 13:00 гә кадәр Радужная урамындагы 56 нчы номерлы йорт янында кизү торачак.

30 нчы апрельдә 12:30 дан 14:00 гә кадәр табиблар Первомайский поселогында (Хәрби шәһәрчек-2, 142/1 адресы буенча) кизү торачак.

1нче май көнне шәһәрнең дәүләт ветеринария клиникалары хезмәткәрләре хайваннарны вакцинацияләүне 10:00 дән 12:00 гә кадәр Яңа Аракчино поселогында Минусинск урамындагы 1/2 номерлы йорт янында үткәрәчәк.

1 нче май көнне вакцинация 14:00 сәгатьтән 16:00 сәгатькә кадәр Займище поселогында Займище һәм Береговая урамнары киселешендә оештырылачак.

Казанның Дәүләт ветеринария берләшмәсендә хәбәр итүләренчә, хайваннар эпидемияләрен булдырмау максатыннан чаралар июньгә кадәр, кирәк булганда июльгә кадәр дәвам итәчәк. Шулай ук ветеринария хезмәте поселокларга кабат чыгарга мөмкин. «Казанлылар табибларны үзләре кирәкле районга чакыра ала. Моның өчен дәүләт ветеринария ярдәме хезмәтенә мөрәҗәгать итәргә кирәк. 10 гариза җыелгач, күчмә бригада төзеләчәк», – дип билгеләп үттеләр шәһәр Дәүләт ветеринария берләшмәсендә.

kzn.ru