Курган өлкәсенең Татар мәдәнияте үзәгендә балаларны изү тегәргә өйрәткәннәр

 Курган өлкәсе Татар мәдәнияте үзәгендә балалар өчен «Татар хатын-кыз күкрәкчәсе – изү» дип аталган мастер-класс узган.

Бөтендөнья татар конгрессының матбугат хезмәте хәбәр иткәнчә, эш вакытында фетр, ялтыравык пластинкалар һәм сәйлән кулланылган.

Мастер-класс башланыр алдыннан Алена Ковригина балаларга хатын-кыз киеменең әлеге элементы хакында сөйләгән. Очрашу традицион чәй мәҗлесе белән төгәлләнгән. Балалар Зәкия Боровикова әзерләгән тәмле камыр ризыклары белән сыйланган, диелә хәбәрдә.