Мәдәни җомга

Казан шәһәре

18+
2024 - Гаилә елы
Сүз һәм гамәл

Көньяк Сахалин шәһәрендә Габдулла Тукай исемендәге татар мәдәнияте музее ачылды

«Үзебезнең Татарстаннан булуыбыз белән горурланабыз», — ди Сахалин өлкәсе татарларының милли-мәдәни автономиясе рәисе Зәкия Вәлитова.

Көньяк Сахалин шәһәрендә Габдулла Тукай исемендәге татар мәдәнияте этнографик музее ачылды.

Музей ачылышы турында Сахалин өлкәсе татарларының милли-мәдәни автономиясе үзенең Инстаграм сәхифәсендә хәбәр итте. «Көньяк Сахалин шәһәре мэры Сергей Александрович Надсадин тырышлыгы белән без ачылдык! Бик зур рәхмәт сезгә!» — диелгән анда.

Инстаграмда шулай ук «Острова» бөтенроссия яшьләр форумында катнашучы Татарстан яшьләре белән видеолар да урнаштырылган. «Бүген бездә кунаклар. Шушы уңайлы музейда якташларыбыз булуына шатланабыз. Үзебезнең Татарстаннан булуыбыз белән горурланабыз», — ди Сахалин өлкәсе татарларының милли-мәдәни автономиясе рәисе Зәкия Вәлитова.

Музейда «Татарлар тарихы» китабы, татар халкының милли киемнәре, Сахалинга Татарстаннан күченеп килгән, Кызыл Байрак ордены алган Нәгыймә Хәмзинаның 1908 елгы хезмәт кенәгәсе һәм башка экспонатлар бар.  

 

Гадел Әхмәтҗанов 

«Татар-информ» 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев