Мәдәни җомга

Казан шәһәре

Сүз һәм гамәл

Кемерово татар мәдәнияте музее ислам кабул итүнең 1100 еллыгына экспозиция эшләгән

Музей җитәкчесе Рәйхана Григорьева гаиләсе белән башкарган иҗади эшкә 2021 елның ноябрендә керешкәннәрен әйтте.

Кемерово татар мәдәнияте музеенда Идел буе Болгар дәүләтендә ислам кабул итүнең 1100 еллыгына багышланган экспозиция башкарылган. Бу хакта «Татар-информ» хәбәрчесенә музей җитәкчесе Рәйхана Григорьева сөйләде.

«Бу уй электән туган иде инде, әле юбилейга кадәр үк. Болгардагы мозаика буенча экспозицияне күреп, шуны ясарга дип уйлап йөри идем. Чынлыкта исә, ул нәкъ менә юбилейга туры килеп куйды», – диде ул. 

Рәйхана апа гаиләсе белән башкарган иҗади эшкә 2021 елның ноябрендә керешкәннәрен әйтте. «Кызым Юля, оныгым Ева, ирем Сергей да бик булышты. Гаилә хезмәте бу. Курчакларның йөзләрен Юля белән Ева ясады. Мин тукымалар табып, аннары кызым белән өс киемнәрен тектек», – дип сөйләде Рәйхана Григорьева.

 

 

Экспозициядә барлыгы ун курчак. «Алмыш хан, аның хатыны, уң ягыннан – үз хакимлегендәге кабилә башлыклары, икенче яктан – Бохарадан Әхмәт ибн Фадлан илчелеге делегациясе», – дип тәгаенләде ул. 

Рәйхана Григорьева, шулай ук, «Ак калфак» бөтендөнья татар хатын-кызлары оешмасының Кемероводагы бүлеге җитәкчесе, шулай ук якшәмбе мәктәбендә татар теле укытучысы вазифаларын били.

 

 

Гөлнар Гарифуллина

"Татар-информ"

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев