Мәдәни җомга

Авылым көне 

«Авыл көне» дип аталган яңа йола турында ишеткән бар иде. Мәгәр шәхсән үзеңә кагылмыйча, талгын җил сыман, читтән генә үтеп киткән вакыйгалар күңелне тетрәндерми. Ә менә инде үзеңнең туган авылыңда бәйрәм була икән, валлаһи, яшәрәсең!

«Кайтыгыз, авыл көне үткәрәбез», дигән хәбәр алгач, бик үк көттермәдек. Май ае борын төрттеме, матур йола гадәткә кереп китте: читтә яшиме ул, туган авылындамы, мәне булган адәм баласы, зиратка барып, газиз әткә-әнкәсенең каберенә сәҗдә кылмый калмый. Бероч­тан, ава-түнә башлаган кабер ташларын һәм чардуганнарны да, андагы чәчәк түтәлләрен дә рәткә китерәләр. Авыл туфрагына аяк басуга ук без дә сәҗдә кылуны зираттан башладык. Анда парлап яки гаиләсе белән якыннарына ихтирам күрсәтергә килгән авылдашларны очрату да зур сөенеч булды.

Шулай да, авылдашларның Сабантуй түгәрәгедәй җыелып көткән урыны Иске Байсар авыл мәдәният йорты каршындагы ачык мәйдан икән. XVIII гасырдан алып 1960 елларга чаклы безнең авыл бу төбәктә Минзәлә ярминкәсеннән кала иң зур базарларның берсе буларак зур дан тота иде. 1600 елларда ук урыс документларына теркәлгән, ХХ гасыр башында дүрт мәхәллә-мәчет төзегән, өч гасыр буена волость үзәге булып торган авыл бит ул. Аның базарына да үз заманында Ырынбур, Пермь, Ижау, хәтта Эрбет ярминкәләреннән дә сәүдәгәрләр килгән. Менә, мәдәният йорты каршындагы мәйданда да шул элеккеге базар күренешләрен тергезгәннәр. Берсе сабан, икенчеләре урак, пычкы, чалгы белән «сәүдә итә». Ләкин, асылда да, үзләре әзерләгән пәрәмәч, варенье, сөт өсте, май сатарга әзер киленкәйләребез дә санап бетергесез…

Бәйрәм, әлбәттә, ипи-тоз, чәкчәктән башлана. Бүгенге яшь хуҗалар Байсар авыл җирлеге үстергән галимнәр, язучылар, инженерлар, журналистлар, төзүчеләр һәм авыл хуҗалыгы алдынгыларын мәдәният йортына дәшә. Билгеле ки, анда кунакларны 35 ел буена «Ташлык» хуҗалыгын җитәкләүче Рәүхәт Сәлихҗанов, җирле үзидарә, мәктәп һәм мәдәният хезмәткәрләре сәламли. Ә аннары Байсар сәнгатькәрләре көче белән әзерләнгән концерт. «Ә без үскәндәме!» дип авылның чәчәк аткан элекке чорларын сагыну гадәткә кергән. Әйе шул, Байсар да 1960 елларда сәхнәгә 105 кешелек күмәк хор мендереп, бер авылда өчәр театр труппасы, өчәр чаңгы командасы булдырып та дан алган иде. Ләкин, бактың исә, авылның яшәү чишмәсе һич тә саекмаган икән. Сәхнәдә байтак район үзәкләренең сәнгать оешмаларын көнләштерерлек биюче һәм җырчыларны, хореографик күренешләр куйган авылдашларыбызны тамаша кылу чиксез сөендерде. Авылда әле һаман да ирле-хатынлы булып та, балаларын җитәкләп тә сәхнә тотучы сәнгать осталары бар икән бит. Ә «Байсар» дип исемләнгән җыр һәм бию ансамбле белән республика буенча концерт куеп йөрергә дә була!..

Ахырда без тугызъеллык мәктәп бинасына да, авыл урамнары буенча да сәяхәт кылдык. Мәктәптә үзебез турында хатирәләр генә түгел, ә безнең буын төзеп калдырган альбом һәм истәлекләр саклану да җанны мәмнүн итте. Туган авыл безне сагына, һаман көтә икән. Берүк үзенә дә озын гомер язсын!

Актаныш-Казан.

        Автор фотолары.


 

Нравится
Поделиться:
Реклама
Комментарии (0)
  • 24 май 2018 - 13:45
    Рашат НИЗАМИ: Халык югалмас, тик…
    Соңгы  елларда, татар язмышына бәйле рәвештә, телебез хәзинәсендә  мөһаҗир, диаспора, тарихи ватан дигән сүзләр нык активлашып китте. Нибары өч сүз, әмма шушы шартлы “өчпочмак”ка татар язмышы сыйган!
    31
    0
    0
  • 24 май 2018 - 14:50
    “МӘДӘНИ ҖОМГА” № 20 (2018) “МӘДӘНИ ҖОМГА” № 20 (2018)
    25
    0
    0
  • 24 май 2018 - 14:30
    Вахит ИМАМОВ: Төркиягә сәяхәт (ахыры) Безгә тын алырга ирек бирүче юк, Түгәрәк тау дип аталган тезмә эченнән, тау битендәге юллардан боҗра ясый-ясый, Валла дип аталган каньонны манзара кылырга алып киттеләр. Тәрәзәдән күз алмый күзәтәбез; тау биткәе саен бер авыл сыенган. Йортлары бер чамадарак – барысы да калынлыгы сыңар кирпеч бина. Эчтән-тыштан штукатурлаганнар. Түбә – һәммә җирдә чирәп. 
    95
    0
    2
  • 24 май 2018 - 14:08
    Лилия ФӘТТӘХОВА: Бата-калка йөзеп барган чакта Дәрьяларның ярсу агымында…              * * * Гел шулай булган ла... Ахмаклар, наданнар, Җаннарын  карага  манганнар Үз  сүзен  күтәргән  әләм дип.
    45
    0
    0
  • 24 май 2018 - 13:59
    “Мәхәббәт күгәрченнәре”  Г.Кариев исемендәге татар яшьләр театры шактый вакыт “Әкият” курчак театры бинасында “фатирда” торганнан соң, элекке “Победа” кинотеатрының яңадан сипләнгән бинасына күчте. Театрның үз өендә тамашачыга күрсәткән беренче премьерасы – “Мәхәббәт күгәрченнәре” спектакле.
    40
    0
    0
  • 24 май 2018 - 13:52
    Айга кырын карама 26 май -1 июнь 26 май (шимбә). Рамазан аеның 11 нче көне. 12 нче Ай тәүлеге. Ай Чаян йолдызлыгында, 16.05 сәгатьтә калка, 2.34 сәгатьтә бата. 2 нче фаза. Көн озынлыгы 16.54 сәгать. 
    32
    0
    0
  • 18 май 2018 - 16:13
    “МӘДӘНИ ҖОМГА” № 19 (2018) “МӘДӘНИ ҖОМГА” № 19
    84
    0
    0
  • 18 май 2018 - 15:52
    Вахит ИМАМОВ: Төркиягә сәяхәт Көтмәгәндә, өмет итмәгәндә, ерак Төркиягә сәяхәткә бардык. Әдәби матбага редакторларының чираттагы корылтаен төрки телле әдәби берлекләр конгрессы форматында уздырырга ният иткәннәр дә, ярты ел чамасы алдарак кубып, Татарстаннан да вәкилләр чакырганнар.
    201
    0
    1
  • 18 май 2018 - 15:44
    Максим Горький «Университетлары» Дистәләрчә ел дәвамында Горькийның үзенә һәм аның иҗатына берьяклырак мөнәсәбәт яшәп килсә дә, шунысы хак: аның әсәрләре беркемне дә битараф калдырмый. Язучының тормышы югары очышлар һәм түбән тәгәрәүләр, фаҗигаләр һәм бөеклекләр белән тулы. 
    60
    0
    0
  • 18 май 2018 - 15:38
    Дамир Гарифуллин: Орчык кебек бөтерелгән дөньяда Борчак чаклы түмгәкләр абындыра... (Робагыйлар)                    * * * Тууымның максаты үлеммени –  Китәр өчен дөньяга килиммени.  Яши-яши гөнаһка батмас өчен,  Бер гасыр да яшәми үлиммени.
    48
    0
    0
  • 18 май 2018 - 14:54
    Айга кырын карама 19-25 май 19 май (шимбә). Рамазан аеның 4 нче көне. 5 нче Ай тәүлеге. Ай Кысла йолдызлыгында, 7.03 сәгатьтә калка, 23.54 сәгатьтә бата. 1 нче фаза. Көн озынлыгы 16.31 сәгать.
    50
    0
    0
  • 14 май 2018 - 15:13
    “МӘДӘНИ ҖОМГА” № 18 (2018) “МӘДӘНИ ҖОМГА” № 18 (2018)
    86
    0
    0
  • 14 май 2018 - 14:57
    Авылым көне  «Авыл көне» дип аталган яңа йола турында ишеткән бар иде. Мәгәр шәхсән үзеңә кагылмыйча, талгын җил сыман, читтән генә үтеп киткән вакыйгалар күңелне тетрәндерми. Ә менә инде үзеңнең туган авылыңда бәйрәм була икән, валлаһи, яшәрәсең!
    99
    0
    0
  • 14 май 2018 - 14:50
    Әтиләрсез үскән буыннан без Татарстанның атказанган мәдәният хезмәткәре, республика әдипләренең Фатих Хөсни исемендәге әдәби бүләге лауреаты Равил Вәли – әтисе сугышка киткәч туган буын вәкиле.  Вәли абзый Сталинград сугышында һәлак була.  Шулай итеп, әти кеше газиз баласын, бала исә кадерле әтисен бер тапкыр да күрми. 
    39
    0
    0
  • 23 октябрь 2017 - 14:24
    Защити себя!
  • Төркиягә сәяхәт
Ночной режим