100, 50, 30, 20 мең - батырларга бүләк!

20 июльдә Мамадыш районының Җөри авылында узучы традицион «Питрау» бәйрәме спорт ярышларының нигезләмәсе чыкты. Нигезләмәдән күренгәнчә, быел билбаулы көрәш ярышларында кызлар катнашмаячак.

Спорт ярышларында җиңүчеләргә приз фонды да шәп билгеләнгән. Ир-егетләр арасында көрәш ярышларында беренче урынны алган батырларга — 100 мең, икенче урындагыларга — 50 мең, өченче урында калганнарга 30 мең сум күләмендә акчалата бүләк тәгаенләнгән. Хәтта дүртенче урында калучыларга да 20шәр мең сум биреләчәк.

Ә абсолют батырга исә — кыйммәтле бүләк диелгән. Автомобильме, әллә башкасымы — анысын инде Питрауга баргач белербез!

Фото: chistopol-rt.ru