Мәдәни җомга

Фердинанд Сәлахов: “Популяр да булмадым, төшеп тә калмадым”

Казахстанда «SilkWayStar» исемендәге Халыкара музыкаль бәйге тәмамланды. Ул өч ай дәвам итте. Жюриның бер әгъзасы булып Россиядән Татарстанның халык артисты Фердинанд Сәлахов сайланган иде. Конкурстан алган тәэсирләре турында Фердинанд әфәнде теләп уртаклашты. - Фердинанд әфәнде, Казахстаннан нинди хисләр белән кайттыгыз? - Ике айга якын Казахстанда жюрида булдым. Бик җиңел булмады....

Казахстанда «SilkWayStar» исемендәге Халыкара музыкаль бәйге тәмамланды. Ул өч ай дәвам итте. Жюриның бер әгъзасы булып Россиядән Татарстанның халык артисты Фердинанд Сәлахов сайланган иде. Конкурстан алган тәэсирләре турында Фердинанд әфәнде теләп уртаклашты.
- Фердинанд әфәнде, Казахстаннан нинди хисләр белән кайттыгыз?
- Ике айга якын Казахстанда жюрида булдым. Бик җиңел булмады. Төрле илләрдән, мәсәлән, Үзбәкстан,
Кыргызстан, Башкортстан, Грузия, Таҗикстан, Казахстаннан көчле конкурсантлар катнашты. Татарстан данын талантлы җырчыбыз Мәликә яклады. Үзбәкстаннан татар кызы Сәидә бар иде. Аның тамырлары Татарстаннан. Әлеге конкурсны күрергә теләүчеләр ТНВ каналы аша да карый ала.
- Җиңүче турында берничә сүз.
- Бәйгедә Кыргыз егете Омар җиңде. Тәҗрибәле, тавыш тембры аеруча матур. Бик итәгатьле, сәхнә өчен туган бала. Мәликә җыйган баллары буенча өченче урынны яулады. Аның чыгышы фаворитлар рәтендә барды. Үзенең көчле җырчы икәнен тагын исбатлады. Әлеге конкурс аша Казахстан үзенең сәнгатен, телен, милләтен пропагандалады. Конкурсантларга бөтен мөмкинлекләрне дә тудырдылар. Кунакханәдә тору, ашату, машинада йөртүне кайгыртканнар иде. Конкурсантлар тыгыз графикта эшләде. Көне-төне телевизион съемкада булдылар. Без дә, жюридә утыручылар, 12-13 әр сәгать съемкада утырдык.
- Гел гастрольләрдә булгач, оныклар белән аралашырга вакыт каламы соң?
- Без, артистлар, ул тормышка өйрәнгән инде. Әлбәттә, гастрольләрдән кайтуга гаилә белән булырга тырышасың. Күптән түгел оныгыбыз Тимур туды. 5 ай булды. Аның белән мәш киләбез. Оныклар күп, анысы зур сөенеч. Әлегә Тимуры - төпчеге. Соңгысы булмас, шәт. Тагын алып кайтырлар, Алла боерса.
- Татар теленә янаган хәвеф турында да фикерегезне җиткерсәгез иде.
- Башка милләтләргә хөрмәте булмаган илнең киләчәге булмаячак. Татар теле - Россиядә икенче тел. Әүвәл телебезне, аннары динебезне алырлар. Хәтта башка милләт кешеләре дә безнең татар теле белән кызыксынганда аны юкка чыгару бик гаҗәеп хәл. Мин 38 ел буе татар татар булсын дип яшәдем, җырладым. Шлягер, дискотека җырларын гына башкарып та, популяр җырчы булып китәр идем.
- Заманында популяр җырчы идегез бит.
- Булмадым, омтылмадым да. Равил абый Шәрәфиев, Илһам абый Шакировлар "Син шундый-шундый җырлар башкарырга тиеш" дип, мине дөрес юлга кертеп җибәрде. Милләтне, телне саклый торган җырлар башкардым. Һәрхәлдә кешене табын артында биетә торган түгел. СССР таркалганнан соң, "шылтыр-пылтыр", ягъни бик җиңел җырларга күчтек. Шундый мәҗлес җырлары башкаручылар популяр булып китте. Мине коммерция юлы бөтенләй кызыксындырмады. Чөнки мин ач, ялангач түгел идем. Популяр да булмадым, төшеп тә калмадым. Ә бары тоткан кыйблама тугъры булып калдым.
Эльза ГАЗИЗОВА

Нравится
Поделиться:
Реклама
Комментарии (0)
  • 24 май 2018 - 13:45
    Рашат НИЗАМИ: Халык югалмас, тик…
    Соңгы  елларда, татар язмышына бәйле рәвештә, телебез хәзинәсендә  мөһаҗир, диаспора, тарихи ватан дигән сүзләр нык активлашып китте. Нибары өч сүз, әмма шушы шартлы “өчпочмак”ка татар язмышы сыйган!
    31
    0
    0
  • 24 май 2018 - 14:50
    “МӘДӘНИ ҖОМГА” № 20 (2018) “МӘДӘНИ ҖОМГА” № 20 (2018)
    25
    0
    0
  • 24 май 2018 - 14:30
    Вахит ИМАМОВ: Төркиягә сәяхәт (ахыры) Безгә тын алырга ирек бирүче юк, Түгәрәк тау дип аталган тезмә эченнән, тау битендәге юллардан боҗра ясый-ясый, Валла дип аталган каньонны манзара кылырга алып киттеләр. Тәрәзәдән күз алмый күзәтәбез; тау биткәе саен бер авыл сыенган. Йортлары бер чамадарак – барысы да калынлыгы сыңар кирпеч бина. Эчтән-тыштан штукатурлаганнар. Түбә – һәммә җирдә чирәп. 
    95
    0
    2
  • 24 май 2018 - 14:08
    Лилия ФӘТТӘХОВА: Бата-калка йөзеп барган чакта Дәрьяларның ярсу агымында…              * * * Гел шулай булган ла... Ахмаклар, наданнар, Җаннарын  карага  манганнар Үз  сүзен  күтәргән  әләм дип.
    45
    0
    0
  • 24 май 2018 - 13:59
    “Мәхәббәт күгәрченнәре”  Г.Кариев исемендәге татар яшьләр театры шактый вакыт “Әкият” курчак театры бинасында “фатирда” торганнан соң, элекке “Победа” кинотеатрының яңадан сипләнгән бинасына күчте. Театрның үз өендә тамашачыга күрсәткән беренче премьерасы – “Мәхәббәт күгәрченнәре” спектакле.
    40
    0
    0
  • 24 май 2018 - 13:52
    Айга кырын карама 26 май -1 июнь 26 май (шимбә). Рамазан аеның 11 нче көне. 12 нче Ай тәүлеге. Ай Чаян йолдызлыгында, 16.05 сәгатьтә калка, 2.34 сәгатьтә бата. 2 нче фаза. Көн озынлыгы 16.54 сәгать. 
    33
    0
    0
  • 18 май 2018 - 16:13
    “МӘДӘНИ ҖОМГА” № 19 (2018) “МӘДӘНИ ҖОМГА” № 19
    84
    0
    0
  • 18 май 2018 - 15:52
    Вахит ИМАМОВ: Төркиягә сәяхәт Көтмәгәндә, өмет итмәгәндә, ерак Төркиягә сәяхәткә бардык. Әдәби матбага редакторларының чираттагы корылтаен төрки телле әдәби берлекләр конгрессы форматында уздырырга ният иткәннәр дә, ярты ел чамасы алдарак кубып, Татарстаннан да вәкилләр чакырганнар.
    201
    0
    1
  • 18 май 2018 - 15:44
    Максим Горький «Университетлары» Дистәләрчә ел дәвамында Горькийның үзенә һәм аның иҗатына берьяклырак мөнәсәбәт яшәп килсә дә, шунысы хак: аның әсәрләре беркемне дә битараф калдырмый. Язучының тормышы югары очышлар һәм түбән тәгәрәүләр, фаҗигаләр һәм бөеклекләр белән тулы. 
    60
    0
    0
  • 18 май 2018 - 15:38
    Дамир Гарифуллин: Орчык кебек бөтерелгән дөньяда Борчак чаклы түмгәкләр абындыра... (Робагыйлар)                    * * * Тууымның максаты үлеммени –  Китәр өчен дөньяга килиммени.  Яши-яши гөнаһка батмас өчен,  Бер гасыр да яшәми үлиммени.
    48
    0
    0
  • 18 май 2018 - 14:54
    Айга кырын карама 19-25 май 19 май (шимбә). Рамазан аеның 4 нче көне. 5 нче Ай тәүлеге. Ай Кысла йолдызлыгында, 7.03 сәгатьтә калка, 23.54 сәгатьтә бата. 1 нче фаза. Көн озынлыгы 16.31 сәгать.
    50
    0
    0
  • 14 май 2018 - 15:13
    “МӘДӘНИ ҖОМГА” № 18 (2018) “МӘДӘНИ ҖОМГА” № 18 (2018)
    86
    0
    0
  • 14 май 2018 - 14:57
    Авылым көне  «Авыл көне» дип аталган яңа йола турында ишеткән бар иде. Мәгәр шәхсән үзеңә кагылмыйча, талгын җил сыман, читтән генә үтеп киткән вакыйгалар күңелне тетрәндерми. Ә менә инде үзеңнең туган авылыңда бәйрәм була икән, валлаһи, яшәрәсең!
    100
    0
    0
  • 14 май 2018 - 14:50
    Әтиләрсез үскән буыннан без Татарстанның атказанган мәдәният хезмәткәре, республика әдипләренең Фатих Хөсни исемендәге әдәби бүләге лауреаты Равил Вәли – әтисе сугышка киткәч туган буын вәкиле.  Вәли абзый Сталинград сугышында һәлак була.  Шулай итеп, әти кеше газиз баласын, бала исә кадерле әтисен бер тапкыр да күрми. 
    39
    0
    0
  • 23 октябрь 2017 - 14:24
    Защити себя!
  • Төркиягә сәяхәт
Ночной режим