Мәдәни җомга

Казан шәһәре

Сәхнә

Илгиз Зәйниев Тинчурин театрында «Медея» сюжетының татар версиясен чыгара

Беренче тамашачылар драманы 7-8 апрельдә карый алачак.

Илгиз Зәйниев Тинчурин театрында дөнья әдәбиятындагы «Медея» сюжетының татар версиясен чыгара. Ул спектакльне үзенең «Мәдинә» пьесасы буенча куя.

Бүген журналистларга булачак спектакльнең ачык репетициясен карау мөмкинлеге тудырылды. Беренче тамашачылар драманы 7-8 апрельдә карый алачак.

«Әсәр нигезендә „Медея“ сюжеты ята, ул дөнья әдәбиятында еш кулланыла. Мин мифны безнең җирлеккә күчереп яздым», — дип әсәр белән таныштырды ул. 

 

 

«Пьеса ак шигырь белән язылган. Чөнки бу пьесаны язганда мин Камал театрында „Ричард III“ пьесасын куя идем. Бер ел чамасы Шекспир тексты белән эшләп ул ритм эчемдә утыра иде», — дип аңлатты Илгиз Зәйниев.

Илгиз Зәйниев үзен күп театрларның халыкчан комедия куярга чакыруларын әйтте. Тинчурин театры җитәкчелегенә драма куярга мөмкинлек биргәннәре өчен рәхмәтләрен җиткерде.

Үзенең әйтүенчә, «Мәдинә» драмасы Илгиз Зәйниевне яңа яктан ачачак. «Мине Камал театрындагы комедияләрем аша белгән кешеләр шул ук Илгизне күрергә килмәсеннәр иде», — диде ул.

Спектакльнең музыкасын Эльмир Низамов яза. Сценография — Геннадий Скоморохов. Рольләрдә — Резеда Сәлахова, Альбина Гашигуллина, Артем Пискунов, Гөлназ Нәүмәтова, Ирек Хафизов, Салават Хәбибуллин. 

 

Рузилә Мөхәммәтова 

«Татар-информ» 

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев