Мәдәни җомга

Казан шәһәре

18+
Шәхесләребез

Муса Җәлил музей-фатирында Бөек Ватан сугышы турында истәлекләр сөйләячәкләр

15 февральдә 15.00 сәгатьтә Татарстан Милли музее филиалы – Муса Җәлил музей-фатирында герой-шагыйрьнең туган көненә багышланган «Балалар – балаларга» һәм «Җиде тарих» чаралары була.

«Балалар – балаларга» – Татарстан Милли музееның туган як тарихы белән мавыгучы балалар һәм яшүсмерләр өчен белем бирү акциясе. Алар Милли музейда һәм аның филиалларында экскурсияләр алып барырга өйрәнә, ә аннары аларны яшьтәшләре өчен алып бара. Акция 2021 елдан бирле даими үткәрелә, дип хәбәр итә музейның матбугат хезмәте.

«8-11 яшьлек җиде катнашучы экскурсия уздыра. Экскурсиянең зур текстын катнашучылар үзара бүлештеләр, һәркем үз өлешен әзерли һәм сөйли. Балаларны әзерләүдә музей хезмәткәрләре, укытучылар, ата-аналар ярдәм итә», - диелә хәбәрдә.

Соңыннан «Җиде тарих» проекты була. «Анда гаиләләр үзләренең Бөек Ватан сугышы чоры истәлекләрен тәкъдим итәчәк. Кыйммәтле предмет турында балалар сөйли, ә катнашучы гаиләләр үзләре - музей волонтерлары гаиләләре», - дип хәбәр итә Татарстан Милли музее матбугат хезмәте.

 

Зилә Мөбәрәкшина

 

Следите за самым важным и интересным в Telegram-каналеТатмедиа


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев